Тибқи маълумоти Bloomberg Billionaires Index, сарвати умумии сарватмандтарин соҳибкорони Русия дар соли 2024 ба маблағи 18,5 миллиард доллар афзоиш ёфт. Ин нишондиҳанда барои иқтисодиёти Русия рақами назаррас мебошад.

Дар рӯйхати 500 соҳибкори бойтарини ҷаҳон 25 намояндаи Русия ҷой гирифтаанд, ки сармояи умумии онҳо 347,62 миллиард долларро ташкил медиҳад. Ин тақрибан 15,8% аз ММД-и Русияро ташкил медиҳад.

Панҷгонаи пешсафони рӯйхат:

– Владимир Потанин бо сармояи 31,8 миллиард доллар

– Владимир Лисин бо сармояи 29 миллиард доллар

– Вагит Алекперов бо сармояи 27,2 миллиард доллар

– Леонид Михелсон бо сармояи 24,8 миллиард доллар

– Алексей Мордашов бо сармояи 24,2 миллиард доллар

Ҳамчунин, дар ин рӯйхат чеҳраҳои маъруфи дигар низ ҳастанд, аз ҷумла асосгузори Telegram Павел Дуров бо сармояи 11 миллиард доллар ва асосгузори Wildberries Татяна Ким бо сармояи 7,37 миллиард доллар.

Дар соли 2024 баъзе миллиардерҳо сармояи худро ба таври назаррас афзоиш доданд:

– Владимир Лисин: +5,05 миллиард доллар

– Алексей Мордашов: +3,3 миллиард доллар

– Михаил Прохоров: +2,68 миллиард доллар

Аммо на ҳама соли бобарор доштанд. Баъзеҳо талафоти ҷиддӣ дида:

– Алишер Усманов: -6,34 миллиард доллар

– Геннадий Тимченко: -3,17 миллиард доллар

– Леонид Михелсон: -2,67 миллиард доллар

Дар сатҳи ҷаҳонӣ, се ҷойи аввалро ишғол карданд:

1. Илон Маск бо сармояи 423 миллиард доллар

2. Ҷефф Безос бо сармояи 239 миллиард доллар

3. Марк Сукерберг бо сармояи 207 миллиард доллар

Аз минтақаи Осиёи Марказӣ, шаҳрванди Қазоқистон Владимир Ким бо сармояи 7,06 миллиард доллар дар ҷои 418-ум ва украинӣ Ринат Ахметов бо сармояи 6,22 миллиард доллар дар ҷои 497-ум қарор гирифтанд.

Ин маълумот нишон медиҳад, ки новобаста аз вазъи мураккаби иқтисодӣ ва геосиёсӣ, бисёре аз соҳибкорони калони Русия тавонистанд сармояи худро афзоиш диҳанд. Ҳамзамон, тафовути назаррас дар тағйирёбии сармояҳо нишон медиҳад, ки бозор ноустувор боқӣ мемонад.