Душанбе
Хабарҳои охирин
» » Ҳамлаи маргталабона дар ғарби Кобул 25 нафарро кушт

Ҳамлаи маргталабона дар ғарби Кобул 25 нафарро кушт

16 август 09:32
     Ҳамла рӯзи 15-уми август дар муқобили маркази маърифатии маҳаллаи Дашти Барчии шаҳри Кобул рух дод. Мақомоти полис гуфтанд, дар ин ҳамла ба камиаш 35 нафар захмӣ шуд.
      Ваҳид Маҷрӯҳ, сухангӯи Вазорати тандурустии Афғонистон, дар суҳбат бо Радиои Озодӣ гуфт, ин омор ибтидоӣ буда, эҳтимоли афзоиши шумори қурбониву осебдидаҳо вуҷуд дорад. Ҳанӯз ҳеҷ гурӯҳ масъулияти ҳамларо бар дӯш нагирифтааст.
Ҳамлаи Кобул дар ҳоле буд, ки чанд соат пеш аз ин дар вилояти Бағлон дар пайи ҳамлаи Толибон ба чанд муассисаи низомии ин вилояти шимолӣ ба камияш 30 сарбозу афсари пулис кушта шуданд.
      Муҳаммад Сафдор Муҳсинӣ, раиси шӯрои вилоятии Бағлон, рӯзи 15-уми август гуфт, ки ҷангҷӯён шабонгоҳ ба ду посгоҳи амниятӣ дар Бағлони Марказӣ ҳамла карданд. Ба иттилои дигари мақомот, Толибон ба як пойгоҳи низомӣ ва ҳам се посгоҳи пулис ҳамла карданд. Дар иддаои сухангӯи Толибон Забеҳулло Муҷоҳид гуфта шуд, ки дар ҳамлаи онҳо ба Бағлон даҳҳо низомӣ кушта шудааст.
Матолиби ҳамсон:
Шарҳи худро бинависед:
Кликните на изображение чтобы обновить код, если он неразборчив
Пурбаҳстаринҳо
Барои Тоҷикистон корхонаи нави алюминий зарур аст?