Илон Маск, мудиръомили Твиттер шаби якшанбе як назарсанҷиро дар ин расонаи иҷтимоӣ роҳандозӣ карда ва аз мухотибонаш пурсид, ки оё бояд аз симати раёсати Твиттер канорагирӣ кунад. Вай таъкид кард, ки аз натоиҷи назарсанҷӣ тобеъият хоҳад кард.
Ин назарсанҷӣ то соат 11:20 рӯзи душанбе ба вақти Гринвич баста мешавад.
Маск дар посух ба изҳори назари яке аз корбарони Твиттер дар бораи тағйири эҳтимолии мудиръомил гуфт: “ҷонишине вуҷуд надорад.”
Маск моҳи гузашта дар додгоҳи Дилавар (Delaware) гуфта буд, ки замони худро дар Твиттер коҳиш медиҳад ва дар ниҳоят як раиси ҷадид барои идораи ширкат пайдо хоҳад кард.
Ин назарсанҷӣ пас аз расонаишавии хатти машйи Твиттер дар рӯзи якшанбе анҷом шуд, ки тибқи он фаъолияти ҳисобҳоеро, ки танҳо бо ҳадафи таблиғи дигар шабакаҳои иҷтимоӣ ва мӯҳтавое, ки ҳовии пайвандҳо ё номҳои корбарӣ барои платформҳои рақиб эҷод мешаванд мамнуъ мекунад.
Ин иқдом мавҷе аз интиқодотро дар пайи дошт ба тавре, ки Маск қавл дод бидуни назарсанҷии онлайн аз корбарон тағйироти умдае дар сиёсатҳо эҷод накунад.
Вай дар твитте пеш аз назарсанҷии 12 соатаи худ дар ин замина навишт: “узрхоҳӣ мекунем. Дигар такрор нахоҳад шуд. Ман ба натоиҷи ин назарсанҷӣ пойбандам.”
Шабакаҳои иҷтимоии мамнуъа, ки линк додан ба онҳо дар Твиттер мамнуъ аст шомили Фейсбук, Инстаграм, Мастодон, Трибле, Ностар, Пост ва шабакаи иҷтимоии мутааллиқ ба Трамп яъне Трассу Шел мешаванд.
Твиттер тавзеҳе дар ин маврид надодааст, ки зеро листи сиёҳи онҳо шомили ҳафт веб-сайт мешавад аммо шабакаҳои иҷтимоӣ монанди Линкедин ё Тик-Токро дарбар намегирад.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
