Нерӯи ҳавоии Укроин бо интишори баёнияе эълом кард, ки артиши Русия субҳи дирӯз бо ҳудуди 35 паҳподи “Шоҳид” манотиқи мухталифи Укроинро ҳадаф қарор додааст.
Дар ин баёния бо ишора ба ин ки 30 паҳпод тавассути дифоъи ҳавоии Укроин сарнагун карда шудааст, афзуда шуд: монанди ҳамалоти қаблӣ ин бор низ паҳподҳои мазкур аз соҳилҳои шарқии баҳри Азов ба парвоз даромаданд.
Аз сӯи дигар, Виталий Кличко, шаҳрдори Киев, пойтахти Укроин пештар аз тариқи телеграм аз шунида шудани чандин садои инфиҷор дар манотиқи мухталифи ин шаҳр хабар дода буд.
Кличко эълом кард: субҳи дирӯз садои чандин инфиҷор дар манотиқи Соломенский ва Штученковскии пойтахт шунида шуд.
Вай бо ишора ба осеб дидани бисёре аз зерсохтҳои Киев дар ҳамалоти Русия, афзуд: гузорише аз талафоти инсонӣ нашудааст. Гурӯҳҳои имдод ва наҷот дар ҳоли фаъолият ҳастанд.
Бар асоси гузориши расонаҳои маҳаллӣ, 9 паҳпод дар атрофи Киев тавассути сомонаҳои дифоъи ҳавоии Укроин сарнагун шудаанд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
