Паймони Миллии Тоҷикистон ба хонаводаҳои қурбониёни аз фаромадани тарма ва кулли мардуми Бадахшон таслият гуфт.
Матни паёми таслият ба шакли зер аст:
Паймони Миллии Тоҷикистон ҳамдардӣ ва таслияти амиқи худро ба мардуми Бадахшон ва хонаводаҳои қурбониён барои талафоти ҷонӣ, ки бар асари фаромадани тарма дар ҳудуди ВМКБ рух дод, иброз менамояд.
Ин ҳаводиси дилхарош бори дигар нишон дод, ки чораҳои эминӣ ва пешгирикунанда аз талафоти сангин дар натиҷаи суқут ва сарозер шудани баҳман дар манотиқи куҳистонӣ, аз ҷумла Бадахшон, дида нашудааст ва баҳои ин хунукназарии мақомотро мардуми оддӣ мепардозанд.
Аз Худованди Маннон барои шуҳадо раҳмату мағфират, барои маҷруҳон шифои комил ва ба бозмондагони онҳо сабри ҷамил хоҳонем.
Паймони Миллии Тоҷикистон
15.02.2023
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
