Пас аз пирӯзӣ дар Гранд-Прии Душанбе ҷудокорони тоҷик ба Қазоқистон мераванд то дастовардҳои худро ҳимоя кунанд. Дар Остона, пойтахти Қазоқистон рӯзи 16 июн Мусобиқаи навбатии Grand Slam-и Федератсияи байнулмилалии ҷудо (IJF) оғоз мешавад.
Федератсияи ҷудои Тоҷикистон , Тоҷикистонро дар ин мусобиқа 10 варзишгар миёни мардҳо намояндагӣ мекунанд.
Дар ин мусобиқа 350 ҷудокор (200 мард ва 150 зан) аз 46 кишвар ширкат хоҳанд кард.
Дар давоми 3 рӯз варзишгарон барои дарёфти 14 маҷмӯи медалҳо қувваозмоӣ мекунанд.
16 июн — мардон дар вазни то 60 ва 66 кг, занон – дар вазни то 48, 52 ва 57 кг.
17 июн мардон дар вазни то 73 ва 81 кг, занон — дар вазни то 63 ва 70 кг.
18 июн мардон дар вазни то 90, 100 ва зиёда аз 100 кг, занон – дар вазни то 78 ва зиёда аз 78 кг.
Ҳайати мунтахаби Тоҷикистон дар ин мусобиқа:
— 60 кг – Муҳаммадсолеҳ Қувватов, Меҳрзод Сӯфиев
— 66 кг – Эмомалӣ Нуралӣ, Обид Ҷебов
— 81 кг – Сомон Маҳмадбеков, Шодмон Ризоев
— 90 кг – Умедҷон Раҷабов
— 100 кг – Исроил Раҳимов
+ 100 кг – Темур Раҳимов, Шакармамад Мирмамадов.
Фонди умумии ҷоизавии мусобиқа 150 ҳазор евроро ташкил медиҳад. Ғолибони ҳар кадоме аз вазнҳо бо 5 ҳазор евро, дорандагони медалҳои нуқра — бо 3 ҳазор евро ва биринҷӣ — бо 1,5 ҳазор евро мукофтпулӣ қадрдонӣ мешаванд.
Қобили зикр аст, ки чанде пеш дар мусобиқаи Гран-Прии Душанбе мунтахаби ҷудои Тоҷикистон бо дарёфти 3 медали тилло, 3 нуқра ва 1 биринҷӣ дар ҳисоби умумидаставӣ зинаи аввалро ишғол кард.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
