Раҷаб Таййиб Эрдуғон, президенти Туркия эълом кард, ки Туркия ва Ҳиндустон имкониятҳои тарки доллар дар муомилоти молӣ ва ба роҳ мондани муносибатҳои иқтисодӣ бо пули миллии ин ду кишварро баррасӣ хоҳанд кард.
Эрдуғон инро дар як анҷумани соҳибкорон, ки дар шаҳри Деҳлии нави Ҳиндустон баргузор шуд, изҳор дошт.
«Амалиёти содирот ва воридоти молӣ, ки бо пули миллӣ сурат мегирад, таъсири манфии тағйирёбии қурби асъорро коҳиш хоҳад дод» — ин сухан ба нақл аз президенти Туркия дар сойти оварда шудааст
Бино ба манбаъ Эрдуғон таъкид кардааст, ки ин гузариш ба иқтисоди миллии ду кишвар таъсири мусбат хоҳад расонд.
Президенти Туркия ҳамчунин қайд кардааст, нерўи муносибатҳои Ҳиндустону Туркия пурра истифода бурда намешавад. Аз ин рӯ ба зудӣ «муҳокимаи лоиҳаи созишнома оид ба ҳамкории иқтисодӣ байни ин ду кишвар дар миқёси калон оғоз хоҳад ёфт».
