Имрӯз, 06.04.2026, Ҳаракати Ислоҳотхоҳони Тоҷикистон баёнияе нашр карда, аз вохӯрии роҳбарияти худ бо аъзои намояндагӣ дар Олмон хабар дод. Танҳо пас аз чанд соат, Паймони Миллии Тоҷикистон низ бо як эълони расмӣ таҳти унвони
«ЭЪЛОМИЯ ДАР БОРАИ ТАҒЙИРОТИ КАДРӢ» баромад кард.
Дар назар чунин менамояд, ки фаъолияти сиёсӣ ҷараён дорад. Аммо саволи асосӣ ҳамоно боз мемонад:
Оё ин ҳама воқеан ба нафъи мардум аст — ё танҳо як гонка барои нишон додани фаъолият?
Аз як тараф, Ҳаракати Ислоҳотхоҳон дар бораи “барномаҳои сиёсӣ”, фаъолсозии намояндагиҳо дар Аврупо ва ҷалби аъзои нав сухан мегӯяд.
Аз тарафи дигар, Паймони Миллӣ бо суръат тағйироти кадрӣ ворид намуда, шахсони навро ба вазифаҳо таъйин мекунад.
Дар зоҳир — рақобат.
Дар асл — бештар як намоиши такрорӣ.
Кӣ бештар баёния медиҳад?
Кӣ бештар ном эълон мекунад?
Аммо натиҷа куҷост?
На барномаи равшани амалӣ дида мешавад,
На натиҷаи мушаххас барои мардум.
Ҳама чиз дар сатҳи сухан боқӣ мемонад:
Таъйинҳо ҳастанд — аммо фаъолияти воқеӣ номаълум;
Барномаҳо ҳастанд — аммо иҷроиш дида намешавад;
Баёнияҳо зиёданд — аммо таъсир қариб сифр.
Бештар аз ин, чунин ба назар мерасад, ки ин гурӯҳҳо бештар ба “ҷамъ кардани аъзо” машғуланд, на ба ҳалли масъалаҳои воқеии сиёсӣ. Ҳар кадом кӯшиш дорад нишон диҳад, ки сохтори фаъол дорад, намоянда дорад, стратегия дорад.
Аммо саволи оддӣ мемонад:
Ин ҳама барои мардум чӣ медиҳад?
Агар мухолифон воқеан мехоҳанд эътимод пайдо кунанд, бояд аз сухан ба амал гузаранд:
Пешниҳодҳои мушаххаси ҳал;
Кори воқеӣ бо ҷомеа;
Ва масъулияти сиёсӣ.
Дар акси ҳол, ин “гонка” танҳо як даври такрорӣ мемонад —
Бо чеҳраҳои нав, аммо бо ҳамон натиҷаи кӯҳна.
Яъне:
Баёния нашр мешавад — ва пас аз он хомӯшии дароз…
То баёнияи навбатӣ.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
