Кумитаи давлатии амнияти миллии (КДАМ) Қирғизистон аз ошкор шудани як гурӯҳи ҷиноии байналмилалӣ, ки бо қочоқи ғайриқонунии маводи мухаддир тавассути масири «Тоҷикистон – Қирғизистон – Ӯзбекистон» машғул буд, хабар дод.
Дар ҷараёни амалиёти махсус, ду гумонбар боздошт шуданд. КДАМ шахсият ва шаҳрвандии онҳоро ошкор накардааст. Ҳангоми боздошт, аз яке аз онҳо 9,7 кг чарси афғонистонӣ (маводи мухаддири коркарднашуда аз каннабис) ва як килограмм маводи синтетикии номаълум мусодира карда шуд.
Ҳангоми кофтукови манзили боздоштшудаи дуюм, як брикет чарси афғонистонӣ бо вазни тақрибан 134 грамм дарёфт гардид.
Иттиҳом ва ҳабси боздоштшудагон
Ба боздоштшудагон тибқи моддаи «Истеҳсоли ғайриқонунии маводи мухаддир, моддаҳои психотропӣ ва аналогҳои онҳо бо мақсади фурӯш» айб эълон шудааст. Ҳарду ҳоло дар боздоштгоҳи тафтишотии КДАМ дар вилояти Ӯш қарор доранд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
Акс
Видео
Садо
Тамос
