Мақомоти муваққатии Сурия таҳти роҳбарии Аҳмад аш-Шараа, президенти муваққатии кишвар, ҳукумати нави Сурияро муаррифӣ карданд. Дар ҳайати нав танҳо як зан шомил аст.
Ба гуфтаи аш-Шараа, ин ҳукумат — «ҳукумати созандагӣ ва тағйирот» буда, аксари курсиҳо ба шахсони наздик ба раҳбари муваққатӣ вогузор шудаанд.
Нақши зан ва намояндаи ақалиятҳо
Пости вазири корҳои иҷтимоӣ ва меҳнат ба Ҳинд Кабават, як намояндаи ақалияти масеҳии кишвар ва мунаққиди шадиди режими собиқи Башор Асад супорида шудааст.
Вазирони корҳои хориҷӣ ва дифоъ, ки аллакай дар давраи раҳбарии аш-Шараа фаъолият мекарданд, дар мақомашон боқӣ монданд.
Ҳадафҳои ҳукумати муваққатӣ
Аҳмад аш-Шараа эълом дошт, ки ҳукумати ӯ барномаи навсозии Сурияро роҳандозӣ мекунад. Ҳадафҳои асосӣ чунинанд:
Барқарорсозии инфрасохтор ва сармоягузорӣ ба иқтисод
Таъмини субот ва амнияти дохилӣ
Мубориза бо фасод
Рушди нерӯҳои мусаллаҳ
Заминаи сиёсӣ: Пас аз сарнагунии Асад
Дар моҳи декабри соли 2024, нерӯҳои исломӣ таҳти роҳбарии гурӯҳи “Ҳайъат Таҳрир аш-Шом” режими Башор Асадро сарнагун карданд. Дар моҳи марти соли 2025, мақомоти нав амалиёти ҳарбӣ дар вилояти Латакия, Тартус, Ҳама ва Ҳомс роҳандозӣ карданд — минтақаҳое, ки ба ҷонибдорони Асад тааллуқ доштанд.
Тибқи иттилои созмонҳои ҳуқуқи башар, дар ҷараёни саркӯбсозии ошӯбҳо, ки онро «қатли ом» ном бурдаанд, наздики 1500 сокини осоишта, аксаран аз миллати алавӣ, ҷон бохтаанд.
