Тибқи иттилои оҷонсии омори назди Президенти Тоҷикистон, давоми ҳафт моҳи соли ҷорӣ тиҷорати хориҷии тоҷикистон ба 195 миллион доллар ё 8.1 дарсад коҳиш ёфтааст.
Содироти мол ба маблағи 39 миллион доллар коҳиш ёфта чизе бештар аз 507 миллион долларро ташкил додааст. Коҳиш ба ҳисоби фоиз 7,7 дарсад аст.
Аммо воридот 8,4 дарсад кам шуда каме бештар аз 1,7 миллиардро ташкил додааст, ки ин камшавӣ бо рақам 156,2 миллион доллар аст.
Дар умум ҳаҷми тиҷорати хориҷии Тоҷикистон, ки бо иттилои Оҷонсӣ бо 101 кишвари ҷаҳон сурат гирифтааст, дар ин ҳафт моҳ 2 милларду 218 миллион доллар будааст, ки воридот аз содирот қариб 3,5 баробар бештар аст.
Шарикони асосии Тоҷикистон дар тиҷорат Русия, Чин, Қазоқистон ва Туркия будаанд, ки қисми бештари тиҷорати хориҷии Тоҷикистон бо ин чор кишвар сурат гирифтааст.
