Дар Тоҷикистон теъдоди ширкатҳои истеҳсоли доруворӣ аз 600 адад гузаштааст.
Дар ин бора Нусратулло Салимзода, Вазири тандурустӣ ва ҳифзи иҷтимоии аҳолӣ ба хабарнигорон иттилоъ додааст. Ба гуфти вазир айни ҳол 20 корхонаи истеҳсолӣ зиёда аз 200 номгӯи маводи доруворӣ ва молҳои тиббиро ба роҳ мондаанд
Дар панҷ соли охир аз ҷониби 10 ширкати ватанӣ истеҳсоли зиёда аз 150 номгӯи маводи доруворӣ ба роҳ монда шудааст.
Қаблан вазорати тандурустӣ ва ҳифзи иҷтимоии аҳолӣ иттилоъ дода буд, ки то солҳои 2001-ум танҳо 4 ширкат ба фаъолияти фарматсевтӣ иҷозатнома дошт.
То солҳои 2000 – ум 86 номгӯйи маводи доруворӣ аз қайди давлатӣ гузашта буд, то имрўз ин теъдод ба 927 адад расонда шудааст.
Тоҷикистон дар феҳристи кишварҳои тавлидкунандаи дорўворӣ баъди Ҳиндустон, Покистон, Амрико ва Олмон мақоми баланд дорад. Зеро ба гуфти мутахассисон ин кишвар аз гиёҳҳои шифобахш бой буда, танҳо ба сармоягузорӣ ниёз дорад то ин соҳаро рушд диҳад. Қадами аввал барои таъсиси корхонаҳои саноатии ашёи хоми маҳсулоти доруворӣ мебошад.
Қобили зикр аст, ки доруҳо бо тамғаи истеҳсолӣ ватанӣ дар дорухонаҳои Тоҷикистон ба чашм ноаёнанд. Вазири тандурустӣ мушаххас нагуфт, ки ин қадар доруи истеҳсолмешуда ба куҷо меравад ва дар куҷо фурӯхта мешавад.
