Вазорати молияи Тоҷикистон тарҳи буҷаи Тоҷикистон барои соли 2019-ро таҳия кардааст, ки 23,8 миллиард сомонӣ (2,52 миллиард доллар) пешбинӣ мешавад. Парлумони кишвар дар иҷлосияи навбатии худ онро ба баррасӣ хоҳад гирифт.
Ин тарҳ, ки аз тарафи Вазорати молия ба парлумон фиристода шудааст ва рӯзи 28 ноябр онҷо ҳамроҳ бо Барномаи давлатии қарзи хориҷӣ матраҳ хоҳад шуд.
Тибқи тарҳи вазорат, буҷаи Тоҷикистон барои соли 2019 23,8 миллиард сомониро ташкил хоҳад дод, ки нисбат ба соли ҷорӣ 2,5 миллиард ё 11% бештар аст. Аммо дар ҳисоб бо доллари ИМА ин афзоиш 4,5%-ро ташкил додааст.
Бахши даромад дар буҷаи имсол дар ҳаҷми 19 миллиарду 568 миллион сомонӣ ва хароҷот ҳудуди 19 миллиарду 863 миллион сомонӣ пешбинӣ шудааст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
