Панҷсад зани шаҳрвандони хориҷии Давлати исломӣ дар зиндонҳои Ироқ ба сар мебаранд.
Манобеи огоҳ аз ҳузури 500 зани ДОИШ- ӣ ба ҳамроҳи фарзандонашон аз панҷ қораи ҷаҳон дар зиндонҳои Ироқ хабар доданд.
Як масъули ироқӣ дар бораи доишиҳои хориҷӣ ва бозгардонидани онҳо ба кишварҳояшон гуфтааст, онҳо таҳти муҳокима ҳастанд ва аҳкоми бисёре алайҳи онҳо содир шудааст.
Ба гуфтаи ин мақоми ироқӣ, бархе аз ин занон, аз ҷумла 12 шаҳрванди Фаронса ба қатл маҳкум шудаанд.
Ҳудуди 48 зани тоҷикистонии пайваста ба ДОИШ ҳамакнун дар зиндонҳои Ироқ ва Сурия нигаҳдорӣ мешаванд.
Тоҷикистон пеш аз ин 84 кӯдакро аз Ироқ ба кишвар бозгардондааст, ки модарони тоҷики онҳо ба иттиҳоми узвият дар гурӯҳи ҷангҷӯи ДОИШ зиндонӣ шуда, дар интизори поёни давраи маҳкумияташон ҳастанд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
