Раисони ҷумҳури се кишвар Туркия, Русия, Эрон дар баёнияи поёнии худ дар панҷумин нишасти сарон дар Анқара дар бораи Сурия бар ҳокимият, истиқлол ва тамомияти арзии ин кишвар ва пойбандӣ ба мусавваботи Созмони милал таъкид карданд.
Сарони се кишвар ҳамчунин мухолифати худ бо эҷоди гурӯҳҳои ҷадид ба баҳонаи мубориза бо терроризм дар Сурияро иброз доштанд.
Онҳо ҳамчунин бар амният ва субот дар шимоли шарқии Сурия бар асоси ҳокимият ва эҳтиром ба тамомияти арзи ин кишвар таъкид карданд.
Раҷаб Тайиб Урдуғон, раисҷумҳури Туркия пас аз поёни панҷумин нишасти сеҷонибаи Туркия, Русия ва Эрон ба хабарнигорон гуфт: “Бузургтарин таҳдид барои ояндаи Сурия гурӯҳи террористи ПКК/ИПГ аст. Ҳадафи ғояи мо эҷоди коридори сулҳ дар шимоли Сурия ва ҷилавгирӣ аз таҷзия ин кишвар аст”.
Раисҷумҳури Туркия дар идома ҳамчунин изҳор дошт:
“Тасмимҳои муҳимм ва умедворкунанда дар хусуси роҳҳалли сиёсӣ дар Сурияро иттихоз кардем. Бар иқдомоти амалӣ барои барқарории сулҳ дар Сурия таъкид кардем.
Дар ин иҷлос бар ғайриқобили қабул будани ҳимоят аз гурӯҳҳои террористӣ ба баҳонаи мубориза бо Доъиш таъкид кардем. Оқоён Рӯҳонӣ ва Путинро дар ҷараёни раванди эҷоди минтақаи амн дар Сурия қарор додам.
Аз моҳи апрел то кунун 1000 ҳазор ғайринизомӣ бар асари ҳамалоти ҳавоӣ ва заминӣ дар Сурия кушта шудаанд. Наметавонем назорагари як трагедии инсонии ҷадид, ки 4 миллион нафарро дар он сӯи марзи Туркия ҳадаф қарор додааст, бошем.
Раванди эҷоди минтақаи амн дар Сурияро барои Рӯҳонӣ ва Путин ташреҳ кардам. Барои истиқрори паноҳҷуён ва наҳваи зиндагии онҳо дар ин минтақа тавзеҳоте додам. Эҷоди минтақаи амнро бо сарони кишварҳо гуфтугӯ кардам. Қасд дорем барои оворагони сурӣ дар Туркия дар ин минтақа ба тӯли 450 километрӣ ва ба умқи 30 километрӣ маскан бисозем. Мадорис ва зерсохтҳои лозимро эҳдос кунем.
Бо Эрон, Русия ва ҷомеаи ҷаҳонӣ барои бозгашти довталабонаи паноҳҷуёни сурӣ ба кишварашон ҳамкорӣ хоҳем кард. Бояд бар бозгашти паноҳҷуёни бештаре ба Сурия тамаркуз кунем.
Коридори сулҳ дар шарқи Фурот, соҳили амн барои паноҳҷуён низ хоҳад буд. Бо ҳамкории се кишвар мавонеъ бар сари роҳи ташкили кумитаи қонуни асосии Сурияро рафъ кардем. Кори кумита ба суръат дар Женева оғоз мешавад, мушкили дар ин замина вуҷуд надорад”.
Вай ҳамчунин дар бораи авзоъи Яман гуфт:
“Чӣ касе аввалин бомбро дар Яман андохт? Агар посухи ин савол ёфт шавад, фикр мекунам ба ин нукта хоҳем расид, ки дасте барои таҳрик вуҷуд доштааст.
Мусулмонон бо якдигар даргиранд. Конуни бародарӣ набояд чунин бошад. Бояд барои бозсозии Яман иқдомоти лозим сурат гирад. Ин амр дар мавриди Сурия ва Фаластин низ сидқ мекунад. Яман бо хок яксон шуд. Бояд дар мавриди мусаббибони он сӯҳбат кунем”.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
