Дар Тоҷикистон аз аввали соли воридоти васоити нақлиёт 8,4% афзоиш ёфтааст, аммо фурӯши автомобилҳо дар дохили кишвар 5 баробар камтар аст.
Тибқи иттилоъи Авеста о истинод ба Вазорати рушди иқтисод ва савдои кишвар, мизони воридоти васоити нақлиёт ба Тоҷикистон дар ҳашт моҳи соли ҷорӣ $213,8 млн.ро ташкил додааст, ки нисбати ҳамин давраи соли гузашта 8,4% бештар аст.
Дар ҳамин ҳол мизони фурӯши мошин дар дохили ҷумҳурӣ дар ҳамин давра ба 409,4 млн. сомонӣ ($42,2 млн.) баробар будааст, ки 5 баробар камтар аз мизони воридот аст.. Новобаста аз афзоиши воридоти васоити нақлиёт, фурӯшандаҳо таъкид мекунанд, ки талабот дар бозори дохилӣ заъиф боқӣ мемонад. Зоҳиран афзоиши воридот бастагӣ ба воридоти мошинҳои сабукрав барои мусофиркашонӣ (токси) ва мошинҳои боркаш барои амалисозии пружаҳои сармоягузоришуда дорад.
Дар кишвар, аз ҷумла дар пойтахт солҳои охир ширкатҳои нақлиётии зиёде пайдо шудаанд, ки ба муофиркашонии токси машғуланд. Ин падида дар шаҳрҳои дигари ҷумҳури ҳам торафт рушд мекунад.
Қаблан ба Тоҷикистон асосан мошинҳои кӯҳна ворид мешуданд, ки қиматашон бамаротиб камтар аз мошинҳои нав аст. Мошинҳои сабукрав асосан аз кишварҳои соҳии Балтик, Аврупо ва Осиё ворид карда мешаванд. Дар бозори мошинҳои боркашон бошад, истеҳсолкунандаҳои чинӣ ҳарфи аввалро мезананд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
