Дасти кам як севвуми кӯдакони зери панҷсола яъне 200 миллион духтар ва писари хурдсол ба андозаи кофӣ ғизо намехӯранд ё тағзияи бокифият ва саҳеҳ надоранд. ЮНИСЕФ мегӯяд ин далели суъитағзия, изофаи вазн ё лоғарии муфрати ин бачаҳост.
Сандуқи ҳимоят аз кӯдакони Созмони милал (ЮНИСЕФ) дар гузорише мегӯяд ду севуми бачаҳои шаш моҳа то ду сола дар дунё ба маводи ғизоии муносиб барои рушди ҷисмӣ ва зеҳнии худашон дастрасӣ надоранд. Гузориши ЮНИСЕФ дар остонаи 16 октябр, рӯзи ҷаҳонии тағзия мунташир шудааст.
Коршиносони соҳа ҳушдор медиҳанд, ки мағзи бачаҳо бо ғизои бад ё нокофӣ, ба хубӣ рушд намекунад ва онҳо баъдан дар ёдгирӣ дучори мушкил хоҳанд шуд; Зимни он ки системи эминии бадани онҳо он чунон заиф мешавад, ки бо кӯчактарин беморӣ аз по дар меоянд.
Хонум Ҳунарито Фавра, мудири иҷрои ЮНИСЕФ мегӯяд: “Бо вуҷуди ҳамаи пешрафтҳои технологикӣ, фарҳангӣ ва иҷтимоӣ дар солҳои ахир, мо аз як воқеияти асоси ғафлат кардаем: ин, ки агар кӯдакон бад тағзия шаванд, бад зиндагӣ хоҳанд кард.”
Ин мақоми ЮНИСЕФ ҳушдор дода, ки бояд роҳ ва равиши ташхиси суъитағзия ва муқобила бо он тағйир кунад: “Масъала ин нест, ки бачаҳо ба андозаи кофӣ ғизо бихӯранд, балки асли матлаб ин аст, ки онҳо дуруст тағзия шаванд.”
Гузориши ЮНИСЕФ ишколи мухталифи суъитағзияи кӯдаконро феҳрист кардааст. 50 миллион кӯдак аз камғизоӣ ранҷ мебаранд ва бисёр лоғаранд. 40 миллион бачаи зери панҷсола изофаи вазн доранд ё чоқ ҳастанд. 149 миллион хурдсоли дигар ба хотири камбудҳои тағзияӣ, ба андозаи лозим рушд накардаанд ва 340 миллион бача низ ба аворизи ношӣ аз камбуди витамин ё маводи маъданӣ мубтало ҳастанд.
Коршиносони тағзия беш аз ҳар чиз аз фарогирии масрафи фастфуд, ҷонкфуд ва нӯшиданиҳои газдор ва ширинии назди бачаҳо интиқод мекунанд.
Ин улгуи тағзия аз кишварҳои санъатӣ фаротар рафта ва ЮНИСЕФ нисбат ба он ҳушдор медиҳад. Беш аз ҳама, хонаводаҳои фақир кӯдакони худро бо хӯрокиҳои арзон, ҳозирӣ ва бекайфият сер мекунанд. Омори бачаҳо ва навҷавонон байни 5 то 19 сола дорои изофаи вазн, ба далели масрафи ин гуна хӯрокиҳо ва нӯшобаҳо, дар фосилаи соли 2000 то 2016 ду баробар шудааст. Ба таври намуна дар соли 2016, мизони кӯдакони олмонӣ, ки изофаи вазн доштанд, 6/ 26 дарсад буд, ки дар муқоиса бо соли 1990 муодили 37 дарсад афзоиш дошт.
Дар гузориши ЮНИСЕФ омада, ки одоти ғизои бад аз ҳамон рӯзи нахусти зиндагии як навзод шурӯъ мешавад. Масалан гарчи шир модар беҳтарин тағзияи бачаҳост аммо танҳо 42 дарсади кӯдакони зери шаш моҳа шири модар мехӯранд. Фурӯши шири хушк дар кишварҳое бо даромади мутавассит мисли Бразилия, Чин ё Туркия низ ошкоро боло рафта ва ЮНИСЕФ, иллати амрро беш аз ҳар чиз ношӣ аз “таблиғот ва бозорёбии номуносиб” медонад; Амре, ки мӯҷиб шуда бачаҳо баъд аз шашмоҳагӣ бо ғизоҳои номуносиби ҳозирӣ ва корхонаӣ тағзия шаванд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
