“Ховар”-и чилдурӯғ

Сойти “Кимиёи саодат” дурӯғи навбатии хабаргузории расмии давлатии Тоҷикистон “Ховар”-ро ифшо кардааст. Бори чандум аст, ки дурӯғҳои ин хабаргузорӣ ифшо мешаванд, аммо зоҳиран “Ховар” тавба карданӣ нест.

Ин хабаргузории 15 январ гузорише аз сафари кории Раиси Риёсати умумии амнияти миллии Афғонистон, Аҳмад Зиё Сироҷ ва ҳайати ҳамроҳ ба Тоҷикистон ва дидору гуфтугӯи ӯ бо Раиси Кумитаи давлатии амнияти миллии Тоҷикистон Саймумин Ятимов ироа кард.

Дар гузориши хабаргузории “Ховар” аз ҷумла омадааст, ки дар дидору гуфтугӯи тарафайн “дар алоқамандӣ бо вазъияти бавуҷудомада, таҳдиди мустақими созмонҳои террористии байналхалқӣ, аз ҷумла «ал-Койида», «Давлати исломӣ», «Ҳизби наҳзати ислом», «Ансоруллоҳ», «Ҳаракати исломии Туркистони Шарқӣ», «Ҳаракати исломии Туркистон» ва ғайра таъкид гардид.”