Инно лиллоҳи ва инно илайҳи роҷиъун
Шӯрои Иҷроияи Ҳизби наҳзати исломии Тоҷикистон аз хабари даргузашти Имомов Соҳибназар (маъруф ба махсуми Соҳибназар), корманди Бахши табъу нашри ҲНИТ, андуҳгин ва ғамгин аст.
Махсуми Соҳибназар (66 сола ва истиқоматкунандаи ноҳияи Панҷ) як инсони наҷиб, хоксор ва адолатпеша буд, ки бо вуҷуди синни пирӣ ва фишорҳои мақомот дар Бахши табъу нашри ҳизб дар дафтари марказӣ воқеъ дар кучаи Борбади Душанбе кори худро то мамнуъияти ҳизб идома дод.
Шӯрои Иҷрояи ҲНИТ ин мусибати дарднокро хидмати хонаводаи ӯ ва тамоми аъзову ҷонибдорони ҳизб таслият гуфта, аз даргоҳи Худованди мутаъол барои марҳум орзуи мағфирату омурзиш ва барои бастагонаш сабру шикебоӣ хоҳон аст.
Рӯҳаш шоду ёдаш гиромӣ бод.
