Амрико ба ҳамкорӣ бо Созмони ҷаҳонии беҳдошт поён дод. Трамп дар моҳи май аз қасди кишвараш барои хурӯҷ аз Созмони ҷаҳонии беҳдошт хабар дода буд. Ў ниҳоди беҳдошти Созмон милалро ба нокоромадӣ дар пайкор бо коруно ва пайравӣ аз Чин муттаҳам кардааст.
Доналд Трамп бо ироаи дархости расмӣ ба раёсати Созмон милали муттаҳид ба таври расмӣ хурӯҷи Иёлоти муттаҳидаи Амрикоро аз Созмони ҷаҳонии беҳдошт иттилоъ дод.
Як сухангӯи Антониу Гуттераш, дабири кулли Созмони милал муттаҳид, шомгоҳи сешанбе (ҳафтуми июл) дар Ню-Йорк таъйид кард, ки он ниҳоди байналмилалӣ санади марбутаро дарёфт кардааст.
Сухангӯи Созмони милал ишора кард, ки шарти хурӯҷи қатъии Амрико аз Созмони ҷаҳонии беҳдошт он аст, ки ин кишвар тамоми тааҳҳудоти молии худро пардохта бошад. Ў гуфт, ки ҳамакнун дабири кулли Созмони милал ба ҳамроҳи коршиносони Созмони ҷаҳонии беҳдошт машғули баррасии аснод марбута ҳастанд.
Кунгираи Иёлоти муттаҳида дар ҷараёни тасмими Кох сафед қарор гирифтааст, аммо хурӯҷи он кишвар аз Созмони ҷаҳонии беҳдошт дар 6 июли 2021 амалан таҳаққуқ меёбад.
«Пайравӣ аз манофеъи Чин»
Доналд Трамп Созмон ҷаҳонии беҳдоштро муттаҳам мекунад, ки ҷомеаи ҷаҳониро бо таъхири фаровон аз хатароти вирус коруно матлаъ кардааст.
Трамп борҳо ишора кардааст, ки Амрико беш аз Чин ба Созмони ҷаҳонии беҳдошт саҳмияи молӣ мепардозад, дар ҳоле ки созмони ёдшуда таҳти нуфузи чин қарор дорад.
Доналд Трамп дар моҳи апрели гузашта ва дар гирудори буҳрони коруно тамоми пардохтҳои худ ба Созмони ҷаҳонии беҳдоштро мутаваққиф кард. Ин иқдом интиқодҳои фаровони ҷомеа байналмилалиро ба думбол дошт.
Амрико дар таъмини буҷаи Созмони ҷаҳонии беҳдошт болотарин саҳмияро доштааст. Дар соли ҷории мелодӣ Амрика қарор буд 116 миллион доллар ба Созмони ҷаҳонии беҳдошт бипардозад. Дар соли молии 2018 – 2019 Амрико бо пардохти 893 миллион доллар ҳудуди 15 дарсади будҷаи он ниҳодро таъмин карда буд.
Трамп аз мункирони аслии коруно
Трамп худ муттаҳам аст, ки дар ҷараёни буҳрони коруно, хатарҳои ин бемории ҳамагирро мункир шудааст. Мунтақидон ӯро муттаҳам мекунанд, ки бо интиқод аз рафтори Чин ва амалкарди Созмон ҷаҳонии беҳдошт, қасд дорад афкори умумиро аз хатоҳои худ мунҳариф кунад.
Бино ба охирин гузориши бунёди илмии донишгоҳи Ҷонз Ҳопкинз дар Амрико ҳудуди се миллион нафар ба бемори COVID-19 мубтало шуда ва беш аз 131 ҳазор нафар бар асари ин эпидеми даргузаштаанд, яъне болотарин мизон дар миён кишварҳои ҷаҳон.
Шуйӯъи вируси коруно дар Иёлоти муттаҳида дар ҳафтаҳои гузашта боз ҳам шиддат гирифтааст. Коршиносон иллати ин амрро дар бардошта шудан зудҳангоми маҳдудиятҳо дар пайкор бо коруно медонанд. Трамп барои тақвияти зиндагии иқтисодӣ ҳамвора бар лузум бозгашт ба зиндагии оддӣ таъкид кардааст.
Дар шароите, ки танҳо чаҳор моҳ ба интихоботи риёсатҷумҳурии Амрико боқӣ монда, назарсанҷиҳо нишон медиҳанд, ки маҳбубияти Трамп ва шонси ӯ барои пирӯзӣ аз Ҷо Байден, рақиби демократи ӯ поинтар аст. Ҷо Байден эълом карда агар дар интихобот ба пирӯзӣ бирасад Амрикоро ба Созмони ҷаҳонии беҳдошт боз хоҳад гардонд.
Созмони ҷаҳонии беҳдошт дар соли 1948 бунёдгузорӣ шуда ва будҷа он бо пардохтҳои солонаи 190 узви Созмони милал ва чандин ниҳоди ғайридавлатӣ таъмин мешавад.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
