Тибқи иттилоъи “Ховар” бо истинод ба Додситонии кулли Тоҷикистон вазири нақлиёти Тоҷикистон даст ба худкушӣ зада, аммо муваффақ нашудааст.
“1 августи соли 2020, тахминан соати 5 Вазири нақлиёти Ҷумҳурии Тоҷикистон Худоёр Худоёрзода , соли таваллудаш 1958 дар заминаи муноқишаи оилавии бавуҷудомада дар хонаи истиқоматии худ воқеъ дар шаҳри Душанбе, кӯчаи Ҷаббор Расулов, бинои 67/4, ҳуҷраи 23 бо истифода аз корди хоҷагӣ бо мақсади аз ҳаёт маҳрум сохтани хеш даст ба худкушӣ задааст” — хабар медиҳад манбаъ бо истинод ба Додситонии кулл.
Гуфта мешавад, “ҳамсари Х. Худоёрзода. — А. Қаландарова, писараш Некрӯз Худоёров, духтараш Зайнура Худоёрова, келинаш Гулнисо Суфишоева ва дигар аъзои оилаи ӯ, ки дар хона ҳузур доштанд, аз воқеа хабардор шуда, ба ӯ кумаки аввалиндараҷа расониданд”.
Худоёрзода дар беморхонаи “Истиқлол”-и шаҳри Душанбе ҷарроҳӣ шдуа, вазъи саломатиаш мӯътадил арзёбӣ мешавад.
“Вобаста ба ҳолати мазкур парвандаи ҷиноятӣ оғоз карда шуда, тафтишот идома дорад” — хабар додааст манбаъ.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
