Андрей Казантсев, директори Маркази таҳлилии МГИМО, доктори илмҳои сиёсӣ мегӯяд, интиқоли қудрат дар Тоҷикистон метавонад ҳам аз рӯи сенарияҳои Қазоқистон ва Озарбойҷон сурат гирад.
Казантсев мегуяд, пас аз интихоби навбатии президенти Тоҷикистон Эмомалӣ Раҳмон як саволи аён ба миён меояд — оё вай пас аз ҳафт сол ба мӯҳлати дигар номзад хоҳад шуд ё ба омода кардани ворисе шурӯъ мекунад, ки интиқоли ороми қудратро таъмин мекунад ва роҳи ҳозираи сиёсиро ҳифз месозад.
Ба гуфтаи Андрей Казантсев, директори Маркази таҳлилии МГИМО, Раҳмон гузинаи дуюмро интихоб мекунад, ки ваколатро ба раиси палатаи болоии парлумон Рустами Эмомалӣ интиқол медиҳад.
Ва дар ин ҳолат, чизи асосӣ барои роҳбарияти кишвар интихоби лаҳзаи мусоидтарин аст.
Ин коршинос зимни суҳбаташ бо Sputnik Тоҷикистон гуфтааст, ки «Суол ин аст, ки вақте вазъ, ба фикри президенти амалкунанда, ба дараҷае бехатар хоҳад шуд, вай метавонад ба интиқоли қудрат тавассути хатти “падар ва писар” бидуни хатари ҷиддӣ умед бандад».
Ба гуфтаи Казантсев, имрӯз ба ин пандемияи COVID-19 ва вазъи номусоиди иқтисодӣ дар кишвар ва минтақа, инчунин таҳдиди ноамнӣ ва ифротгароӣ дар Афғонистони ҳамсоя халал мерасонанд.
Ёдовар мешавем, ки интихоботи раисиҷумҳур дар Тоҷикистон рӯзи якшанбеи 11 октябр баргузор шуд.
Дар интихоботи президентӣ аксари кулли овозҳо 3 млн. 837 ҳазор 227 — 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.
Ҳамин тавр, Эмомалӣ Раҳмон боз барои 7 соли дигар раисҷумҳур интихоб шуд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
