Маъракаи даъвати тирамоҳӣ ба хизмати ҳарбӣ дар сафи Қувваҳои мусаллаҳи Тоҷикистон аз 1 октябр оғоз шуда, то 30 ноябр давом меёбад.
Маъракаи даъвати ҳарбӣ дар вилояти сераҳолитарини Тоҷикистон — Хатлон 100 дарсад иҷро гардид.
Дар ин бора шуъбаи иттилоотию таҳлилии дастгоҳи раиси вилояти Хатлон иттилоъ додааст.
Гуфта мешавад, ки шаҳру навоҳии Норак, Шамсиддини Шоҳин, Носири Хусрав, Данғара, Ҷайҳун, Шаҳритус, Муъминобод, Балҷувон, Хуросон ва Темурмалик нақшаи даъватро дар рӯзҳои аввали моҳи октябр пурра иҷро кардаанд, менависад АМИТ «Ховар».
Ба гуфти масъулини комиссариати ҳарбии вилояти Хатлон, феълан наваскарон ба қисмҳои низомӣ ва ҷузъу томҳо тақсим шуда, онҳое, ки аллакай аз давраи таълими омодагии сарбози ҷавон гузаштаанд, савганди ҳарбӣ ёд карданд.
Ёдовар мешавем, ки маъракаи даъвати тирамоҳӣ ба хизмати ҳарбӣ дар сафи Қувваҳои мусаллаҳи Тоҷикистон аз 1 октябр оғоз шуда, то 30 ноябр давом меёбад.
Ҳамасола ба хизмат дар Қувваҳои мусаллаҳи Тоҷикистон шаҳрвандони аз 18 то 27-сола даъват карда мешаванд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
