Аз олудагии ҳаво ҳар рӯз дар ҷаҳон беш аз 18 ҳазор нафар ҷони худро аз даст медиҳанд.
Бино бар иттилои Созмони беҳдошти ҷаҳонӣ шумори одамоне, ки солона бинобар ифлосии ҳаво 6,5 миллион нафар ба марг мувоҷеҳ мешаванд. Ин бештар аз ҷамъи мирандагон аз ВНМБ (СПИД), сил ва садамаҳои нақлиётӣ аст.
Дар асл, олудагии ҳаво чаҳорумин хатар барои саломатии инсон, пас аз фишори баланди хун, диабет ва тамокукашӣ аст. Ин вазъ бо таъсири саноат, нақлиёт, электроэнетгетика ва истифодаи сӯзишворӣ барои пӯхтани таъом дар хонаҳо ба вуҷуд омадааст. Ин мушкили ҷаҳонӣ аст, вале он дар бархе кишварҳо назар ба кишварҳои дигар умдатар аст.
Марги бармаҳал аз олудагии ҳаво дар Аврупову Амрико солҳои охир коҳиш ёфта, дар бештари кишварҳои Осиёву Африқо баръакс афзудааст. Тибқи гузориши СБҶ Гурҷистон дар садри ҷадвале қарор дорад, ки марги одамон дар натиҷаи олудагии ҳаворо нишон медиҳад. Дар ин кишвар 300 нафар аз ҳар 100 ҳазор ҷони худро бинобар олудагии ҳаво аз даст медиҳанд. Чини ҳамсояи Тоҷикистон дар ин ҷадвал дар ҷои шашум қарор дорад, ки нишондиҳандаа 150 нафар аз ҳар сад ҳазор аст:
СБҶ мегӯяд, технологияи имрӯза имкон медиҳад маргу мир аз олудагии ҳаво ба маротиб камтар карда шавад. Танҳо коре, ки кишварҳо бояд анҷом диҳанд сармоягузорӣ дар ин технология аст.
