Президенти Қирғизистон Садр Жапаров қонуни наверо имзо кард, ки пӯшидани либосҳои пӯшонандаи чеҳраро дар ҷойҳои ҷамъиятӣ манъ мекунад. Мувофиқи қонун, фақат либосҳои корӣ ва мавридҳои тиббӣ истисно ба ин қоида мебошанд.
Илова бар ин, қонунгузорӣ баргузории расму ойинҳои динӣ дар маконҳое чун хонаҳои пиронсолон, зиндонҳо, қисмҳои ҳарбӣ ва дигар муассисаҳо, инчунин кӯшиши табдили ақидаи динии шахсони бетараф ё атеистҳоро манъ мекунад. Ҳар гуна вайронкунии ин талабот бо ҷаримаи 20 ҳазор сом (тақрибан 220 евро) муҷозот карда мешавад.
Пӯшидани либосҳои динӣ, ки чеҳраро пурра мепӯшонанд, монанди никаб ва паранджа, дар як қатор кишварҳо низ манъ шудааст, аз ҷумла, Тоҷикистон, Фаронса, Дания, Нидерланд ва Шри-Ланка.
Қонуни мазкур дар Қирғизистон баҳсҳоеро ба бор овард, зеро баъзе гурӯҳҳо онро маҳдудкунандаи озодиҳои динӣ мешуморанд, дар ҳоле ки дигарон онро қадаме барои таҳкими амнияти ҷамъиятӣ меҳисобанд.
