Ӯзбекистон ва Русия як қатор ҳуҷҷатҳоро оид ба соддагардонии барасмиётдарории будубоши муҳоҷирони узбек дар Федератсияи Русияро имзо карданд.
Ҳуҷҷатҳо зимни сафари ҳайати Ӯзбекистон бо роҳбарии мушовири сарвазир Меҳриддин Хайриддинов ба Русия ба имзо расидаанд.
Тавре хабаргузории Podrobno менависад, ин созишномаҳои ҳамкорӣ байни Агентии муҳоҷирати меҳнати хориҷии Ӯзбекистон ва Ширкати Федералии Воҳиди Давлатии «Паспортно-визовый сервис» -и назди Вазорати Корҳои Дохилии Русия, инчунин бо «Маркази бисёрҷонибаи муҳоҷират»-и шаҳри Маскав баста шудаанд.
Тибқи иттилои сафорати Узбекистон дар Маскав, ҳадаф аз имзои ҳуҷҷатҳо содда кардани қайди будубоши муташаккилонаи шаҳрвандони ҷумҳурӣ мебошад, ки ният доранд дар Русия фаъолияти муваққатии меҳнатӣ анҷом диҳанд.
Ҳарду ташкилоти Русия «Паспортно-визовый сервис» -и назди Вазорати Корҳои Дохилии Русия ва «Маркази бисёрҷонибаи муҳоҷират» муассисаҳои ваколатдор мебошанд, ки барои гирифтани иҷозатномаи кор дар Маскав ва дар саросари Русия як қатор хидматҳо мерасонанд.
Имзои ҳуҷҷатҳо аз ҷониби мақомоти давлатии тарафҳо имкон медиҳад, ки равандҳои муҳоҷират, аз ҷумла кушодани офисҳои марказҳои муҳоҷират, боиси коҳиш ёфтани вақт ва хароҷоти шаҳрвандони ҷумҳурӣ ҳангоми омода кардани ҳуҷҷатҳои зарурӣ барои гирифтани иҷозатнома барои иҷрои фаъолияти меҳнатӣ дар Русия мегардад. Он инчунин ба ӯзбекҳо имкон медиҳад, ки қабл аз сафар ба Русия як қисми ҳуҷҷатҳоро дар қаламрави худи Ӯзбекистон ба даст биёранд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
