Дар Ӯзбекистон ду нафар маҳкумшударо аз сабаби гирифторӣ ба коронавирус ва дар ҳоли вазнинтар буданашон аз зиндон барвақт раҳо карданд.
Нӯҳ фоизи маҳбусони муассисаҳои ислоҳии Узбакистон ба коронавирус сироят шудаанд. Дар ин бора дар як нишасти матбуотӣ дар AOКА Баҳодир Юсупов, сардори шӯъбаи ташкили табобатию профилактикии Сарраёсати иҷрои ҷазои ВКД хабар дод.
Қайд карда шуд, ки тибқи моддаи 75-и Кодекси ҷиноӣ (озод кардан аз ҷазо ба сабаби беморӣ ё маъюбӣ) ду бемори вазнин барвақт раҳо карда шуданд.
Юсупов инчунин гуфт: «Айни замон маҳкумшудагон дар ҳамаи колонияҳои ислоҳӣ бидуни ҷалб ба меҳнат машғули таҳсил мебошанд. Донишҷӯён дарсҳои онлайнӣ мехонанд ва нафароне, ки дар фикри дохилшавианд, дар курсҳои тайёрӣ таҳсил мекунанд. Азҷумла, 25 нафар ноболиғон курсҳои ронандагиро хатм карда соҳиби шаҳодатномаи махсуси ронандагӣ шуданд ”
«Ашхосе, ки бори аввал ба маҳрум сохтан аз озодӣ маҳкум шудаанд, бо тартиби сабук кардани ҷазо ба шартан мустақим гузаронида мешаванд.
Дар натиҷа, шумораи колонияҳои ислоҳӣ то 25 адад коҳиш дода мешавад ва аз ҳисоби мунтазам кам кардани шумораи маҳкумшудагон дар колонияҳои ислоҳӣ, оптимизатсия (беҳинасозӣ) карда мешавад », — гуфт Ҷамшед Султанов, сардори Раёсати корҳои тарбиявӣ ва иҷтимоии психологии ҷазо дар шӯъба.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
