Донишҷӯёне, ки дар маршировка ширкат мекунанд, бар зидди вируси коруно воксин гирифтаанд.
Дар ин бора Ректори Донишгоҳи давлатии омӯзгории Тоҷикистон ба номи С.Айнӣ Нӯъмонҷон Ғаффорӣ хабар дода гуфтааст, ки 90%-и донишҷӯёни ин донишгоҳ, ки дар маршировка ширкат мекунанд, бар зидди коруно воксин гирифтанд.
Ғаффорӣ гуфтааст, “теъдоде аз донишҷӯёни мо ҳам барои сазовор таҷлил кардани 30 солагии ҷашни истиқлол дар машқҳо ширкат мекунанд, ки аксарияташон истиқоматкунандаи шаҳри Душанбе ҳастанд. Чун мавҷи дуввуми короновирус дар кишвари мо ҷараён дорад, саломатии донишҷӯён дар мадди назари мост. Барои мо солимии ҳар яке аз онҳо муҳим аст, зеро онҳо фарзандони мову шумо ҳастанд. Бинобар ин, мо 90%-и донишҷӯёнамонро ваксина кардем. Ҳар субҳ онҳо аз ташхис мегузаранд. Бунгоҳи тиббии донишгоҳ ҳам дар майдони тамрин ва ҳам дар худи донишгоҳ фаъол аст”.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
