Дар Чин ба кӯдакони дуюм ва сеюм имтиёзҳо дода шуд. Хабаргузории Синхуа иттилоъ додааст, ки дар Чин кӯдакони дуюм ва сеюм ба гирифтани кумакпулӣ шурӯъ карданд.
Шаҳри Панҷихуа дар ҷанубу ғарби Чин аллакай ба оилаҳои серфарзанд имтиёзҳо пешниҳод мекунад. Тибқи сиёсати таваллуди Чин, ҳар як кӯдак ба истиснои кӯдаки аввал, то се солагӣ ҳар моҳ 500 юан (тақрибан 76,9 доллар) кумакпулӣ хоҳад гирифт.
Корфармоёни маҳаллӣ вазифадоранд, ки мусоидат ба таваллуд ва хизматрасонии нигоҳубини кӯдаконро пешниҳод кунанд.
Чунин чораҳо ба коҳиши сатҳи таваллуд дар Чин рабт доранд.
Масъулин аз коҳиши шумораи шаҳрвандони қобили меҳнат ва афзоиши бори иқтисоди Чин нигаронанд.
Дар тӯли чанд соли охир Чин тадриҷан аз сиёсати «як оила, як кӯдак» -и ҳукумат дур шуд. Дар аввали моҳи майи соли 2021, ҳукумати Чин расман ба оилаҳо иҷозат дод, ки се фарзанд дошта бошанд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
