Ҷанг дар Укроин дар ҳоле дувумин моҳи худро сипарӣ мекунад, ки раванди пешравии нерӯҳои муҳоҷими русӣ дар мувоҷиҳа бо муқовамати шадиди укроиниҳо мутаваққиф шудааст ва нерӯҳои артиши Русия умдатан бар мушакборон ва бомбаборони манотиқ аз роҳи дур тамаркуз кардаанд.
Ҳамзамон долонҳои башардӯстонае, ки барои берун бурдани ғайринизомиёни муҳосирашуда дар шаҳрҳо пешбинӣ шуда буд ба далели гулӯлаборонҳо ғайри қобили истифода мондаанд ва ҳазорон нафар бо камтарин имконоти ғизоӣ мунтазири хурӯҷ ҳастанд.
Дар ҳамин ҳол миллионҳо нафар хонаҳои худ дар Укроинро тарк кардаанд, ҳазорон ғайри низомӣ ва низомӣ дар даргириҳо кушта шудаанд ва вайрониҳои густурдае ба ҷо мондааст.
Охирин хабарҳо ва рӯйдодҳои муртабит бо таҳоҷум низомии Русия ба хоки Укроин дар бегоҳи рӯзи сешанбе 29 мартро дар ин гузориш думбол кунед.
29.03.2022 21:55
Ҳайати вазирони Укроин барои аввалин бор аз замони оғози ҷанг ҷаласаи аланӣ баргузор кард
Ҷаласаи ҳайати вазирони Укроин рӯзи сешанбе барои аввалин бор аз замони таҳоҷуми низомии Русия ба ин кишвар ба сурати аланӣ баргузор шуд. Нахуствазири Укроин гуфт, ки аксар вузарои давлат дар Киев ба сар мебаранд аммо теъдоде аз онҳо низ барои маъмурият ба дигар манотиқи Укроин сафар кардаанд.
Теъдоде аз хабарнигорон имкони ҳузур дар ҷаласаи рӯзи сешанберо монанди ҷаласоти пеш аз оғози ҷанг доштанд. Имкони пайгирии ҷаласаи рӯзи сешанбеи ҳайати вазирони Укроин монанди даврони пеш аз ҷанг аз тариқи пойгоҳи интернети давлати Укроин вуҷуд дошт.
29.03.2022 21:43
Созмони милал: Теъдоди паноҳҷуёни укроинӣ ба марзи 4 миллион нафар расид
Созмони милали муттаҳид эълом кард, ки теъдоди паноҳҷуёни укроинӣ аз се миллиону 900 ҳазор нафар фаротар рафтааст. Ин рақам ба ин маъно аст, ки қораи Аврупо аз замони ҷанги ҷаҳонии дувум то кунун бо ин мизон аз ҷобаҷоии нохоста ба далели вуқӯъи муноқишаи низомӣ рӯ ба рӯ нашуда буд.
Бино ба омори Созмони милал наздик ба шаш миллиону 500 ҳазор нафар низ дар дохили хоки Укроин маҳбур ба тарки маҳали сукунати худ шудаанд.
Бар асоси омори ироашуда ба назар мерасад, ки теъдоди паноҳҷуёни укроинӣ тайи рӯзҳои оянда аз чаҳор миллион нафар фаротар хоҳад рафт.
29.03.2022 21:15
Байден: Хоҳем дид, ки Русия ба ҳарфҳояш пойбанд аст ё хайр
Ҷо Байден, раисҷумҳури Амрико рӯзи сешанбе сооте пас аз муколимаи телефонияш бо раҳбарони чаҳор кишвари аврупоӣ дар посух ба пурсиши хабарнигорон дар бораи пешрафт дар музокироти Русия ва Укроин нисбат ба пойбандии Москва ба ваъдаҳояш ибрози шубҳа кард.
Раисҷумҳури Иёлоти муттаҳида гуфт: “Хоҳем дид, ки онҳо ба ҳарфҳояшон пойбанд ҳастанд ё хайр”.
Русия дар ҷараёни музокирот бо Укроин ваъда додааст, ки фаъолияти низомиёнаш дар атрофи Киев ва Черниговро коҳиш хоҳад дод.
29.03.2022 21:08
Урдуғон хитоб ба намояндагони Русия ва Укроин: барқарории оташбаси фаврӣ ба нафъи ҳама аст
29.03.2022 22:06
Мақомоти Укроин: Ҳамалоти Русия ба Николаев дасти кам 12 кушта бар ҷой гузошт
Мақомоти Укроин мегӯяанд дасти кам 12 нафар рӯзи сешанбе дар ҳамалоти Русия ба минтақаи Николаев кушта шуданд. Онҳо ҳамчунин аз маҷрӯҳ шудани дасти кам 28 нафар дар ин ҳамалот хабар доданд.
Владимир Зеленский, раисҷумҳури Укроин сооте пеш Русияро ба иртикоби “ҷиноят алайҳи башарият” дар шаҳри Мариупол муттаҳам карда буд. Вай иддао кард, ки артиши Русия амдан ба паноҳгоҳҳои ғайри низомиён дар Мариупол ҳамла мекунад.
29.03.2022 20:36
Раҳбарони Амрико ва 4 қудрати аврупоӣ нисбат ба “сустӣ” дар “азми ғарбиҳо” дар баробари Русия ҳушдор доданд
Раҳбарони Амрико, Бритониё, Олмон, Фаронса ва Италиё рӯзи сешанбе дар ҷараёни гуфтугӯии телефонӣ нисбат ба ҳаргуна “сустӣ” дар “азми Ғарб” дар баробари Русия ҳушдор доданд.
Кохи сафед пеш аз ин эълом карда буд, ки Ҷо Байден, раисҷумҳури Амрико қарор аст дар бораи ҷанг дар Укроин бо раҳбарони аврупоӣ гуфтугӯ кунад. Ҷо Байден, Борис Ҷонсон, Эмонуэл Макрон,Олаф Шолтс ва Марио Драги таъкид карданд, ки то замоне, ки ҷанг дар Укроин идома дорад набояд ҳеҷ гуна “сустӣ” дар “азм”-и кишварҳои ғарбӣ дар баробари Русия мушоҳида шавад.
Нахуствазири Бритониё дар ҷараёни ин муколимаи телефонӣ таъкид кард, ки Русияро “ба ҷойи ҳарфҳояш бояд бар асоси иқдомоташ” қазоват кард.
Кохи сафед низ эълом кард, ки Ҷо Байден ва раҳбарони чаҳор кишвари аврупоӣ бар сари “афзоиши ҳазина”-и ҷанги Укроин барои Русия тавофуқ доштанд.
29.03.2022 20:19
Кохи Элиз: Шароит барои анҷоми амалиёти башардӯстона дар Мариупол фароҳам нест
Кохи Элиз рӯзи сешанбе ба думболи муколимаи телефонии Эмануэл Макрон, раисҷумҳури Фаронса бо Владимир Путин, ҳамтои русии вай эълом кард, ки дар ҳолати кунунӣ шароит барои анҷоми амалиёт башардӯстона дар шаҳри Мариупол дар ҷануби шарқии Укроин фароҳам нест.
Бино ба эъломи Кохи Элиз Эммануил Макрон пешниҳоди амалиёти муштараки Фаронса, Туркия ва Юнон барои тахлияи саканаи шаҳри Мариуполро бо Владимир Путин дар миён гузошт. Раисҷумҳури Русия дар посух ба ҳамтои фаронсавии худ гуфтааст, ки дар бораи ин пешниҳод “фикр хоҳад кард”.
Пеш аз ин Кохи Кремл эълом карда буд, ки Владимир Путин дар муколимаи телефонӣ бо Эммануэл Макрон таъкид кардааст, ки “миллигароён”-и укроинӣ дар Мариупол бояд силоҳҳои худро замин бигузоранд.
29.03.2022 19:54
Кремл: Путин дар гуфтугӯ бо Макрон таъкид кард, ки миллатгароҳои укроинӣ дар Мариупол бояд силоҳро замин бигузоранд
Кремл рӯзи сешанбе эълом кард, ки Владимир Путин, раисҷумҳури Русия дар гуфтугӯии телефонӣ бо Эммануэл Макрон, ҳамтои фаронсавии худ таъкид кардааст, ки “миллатгароён”-и укроинӣ дар шаҳри Мариупол бояд силоҳҳои худро замин бигузоранд.
Ин хабар дар ҳоле мунташир мешавад, ки Кохи Элиз ҳанӯз баёниае дар бораи муколимаи телефонии Эммануэл Макрон бо Владимир Путин мунташир накардааст.
29.03.2022 19:32
Чехия ба як дипломати рус 72 соат мӯҳлат дод то аз ин кишвар хориҷ шавад
Чехия рӯзи сешанбе ба як дипломати рус 72 соат фурсат дод то хоки ин кишварро тарк кунад. Ин хабар дар ҳоле мунташир мешавад, ки Нидерланд, Ирландия ва Белгия низ тасмим ба ихроҷи шуморе аз дипломатҳои Русия ба занон ҷосусӣ гирифтаанд.
29.03.2022 19:21
Сарпарасти ҳайати музокиракунандаи Русия: Гоме ба сӯи тавофуқ бардошта шуд
Владимир Мадинский, сарпарасти ҳайати музокиракунандаи Русия дар гуфтугӯҳо бо Укроин рӯзи сешанбе гуфт, ки дар охирин даври ин музокирот “гоме ба сӯи тавофуқ” бардошта шуд.
Вай пешниҳоди ҳайати укроинӣ дар гуфтугӯҳои Истамбулро “мусбат” ва гоме дар ростои тавофуқи байни ду тараф арзёбӣ кард. Вай бо ин ҳол афзуд, ки Русия ва Укроин ҳанӯз барои дастёбӣ ба тавофуқи роҳи дарозе дар пеш доранд. Сарпарасти ҳайати музокиракунандаи Русия изҳор дошт, ки Маскав бо тарҳи пешниҳоди коҳиши фаъолияти низомӣ дар атрофи Киев ва Чернигев ва пазириши дидор байни Владимир Путин, раисҷумҳури Русия ва Владимир Зеленский, ҳамтои укроинии вай “ду гом ба сӯи сулҳ” бардоштааст.
Ӯ дар айни ҳол афзуд, ки имкони дидор байни русаои ҷумҳурии ду кишвар ҳангоме, ки муошҳидаи сулҳ омодаи имзоъ бошад вуҷуд хоҳад дошт.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
