Ориф Алавӣ, раисҷумҳури Покистон парлумони ин кишварро пароканда кард.
Дафтари раисҷумҳури Покистон дар твитте гуфтааст, ки «Ориф Алавӣ, раисҷумҳури Покистон пешниҳоди нахуствазир Покистонро барои парокандасозии маҷлиси Шӯрои миллӣ таъйид кардааст. Ин раванд бино бар банди аввали моддаҳои 58 ва 48-и Қонуни асосии ҷумҳурии исломи Покистон аст.»
Хабаргузории Рейтерз ҳам ба нақл аз вазири иттилоърасонии Покистон гуфтааст, ки интихоботи парлумонӣ зарфи 90 рӯзи оянда баргузор хоҳад шуд.
Пештар Имрон Хон, нахуствазир пас аз талоши мухолифон барои барканории вай аз қудрат, ки бо мухолифати парлумон рӯбарӯ шуд, аз раисҷумҳури ин кишвар хоста буд, ки парлумонро пароканда карда ва интихоботи нав баргузор кунад.
Ин дархост ва парокандасозии парлумон пас аз он сурат гирифт, ки Қосимхон Сурӣ, ноиби раиси парлумон, дирӯз тарҳ раъйи беэътимодӣ ба давлати Имрон Хонро рад кард ва онро хилофи асли 5-и Қонуни асосӣ хонд.
Ин мақоми аршади парлумони Покистон эълом кард, ки далели ин амр «дахолати хориҷӣ» будааст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
