Дар натиҷаи занозанӣ байни се мактаби ноҳияи Синои шаҳри Душанбе, ки баъдан ба кордзанӣ кашидааст, ду хонандаи мактаб ҷони худро аз даст додаанд.
Тибқи иттилои як муаллими мактаб, яке аз ин хонандагон — Сомон Шарипов аллакай ба хок супорида шудааст.
Ин занозанӣ шаби 2-юм ба 3-бми январ дар яке аз интернет-кафеҳои маҳаллаи 103-уми пойтахт байни хонандагони мактабҳои 43, 54 ва 101 ноҳияи Сино ба вуқӯъ пайвастааст, ба марги ду нафари онҳо расондааст. ВКД чанд нафар аз ширкаткунандагони ин занозаниро боздошт ва бозпурсӣ кардааст. Тибқи иттилои ин ниҳод, барангезандагони ин хархаша чанд нафаре будаанд, ки соли гузашта мактабҳои номбурдаро хатм кардаанд.
Бори аввал нест, ки чунин занозанӣ ва кордкашиҳо байни хонандагони мактаб ба вуқӯъ мепайвандад. Ҳодисаи марги хонандагон низ авввалин набуда, ду сол қабл ҳам дар натиҷаи задухӯрди хонандагони ду мактаб як талабаи синфи 9 ҷон дода буд.
