Ҳамлаи низомии Русия ба Украина дар ҳоле шастусевумин рӯзи худро пушти сар мегузорад, ки талошҳои дипломатик барои поён додан ба ҷанг шиддат гирифтааст, ҳарчанд дар ҳоли ҳозир чашмандози равшане барои поёни даргириҳо ба чашм намехӯрад.
Антрниу Гутерриш дабири кулли Созмони милали муттаҳид рӯзи гузашта дар Маскав бо Вллдимир Путин дидор кард ва Раҷаб Таййиб Урдуғон, раисҷмҳури Туркия низ тамоси телефонӣ бо Кремл дошт. Урдуғон аз Владимир Путин хостааст мустақиман бо Владимир Зеленский гуфтугӯ кунад.
Дар ҳамин ҳол неруҳои артиши Русия фишори ҳамалоти худро бар манотиқи шарқи Укроин афзоиш додаанд ва тавонистаанд чандин ноҳияро дар ин қисмат тасарруф кунанд. Дар сӯи муқобил Амрико ва муттаҳидони ғарбии Укроин машғули ҳамоҳангӣ барои даври тозае аз ирсоли таслиҳоти низомӣ ба Киев ҳастанд.
Ин дар шароите аст, ки буҳрони инсонӣ дар Укроин идома дорад ва Созмони милал тахмин задааст шумори ҷангзадагони укроинӣ, ки ба кишварҳои хориҷӣ паноҳ бурдаанд ба 8.3 миллион нафар бирасад.
Охирин таҳаввулоти ҷанги Укроин дар таърихи чаҳоршанбе, 27 апрелро дар ин сафҳа думбол кунед:
Лаҳистон ду табааи Русия ва Белорусро ба иттиҳоми ҷосусӣ боздошт кард
Давлати Лаҳистон бо судури баёниае гуфтааст як табааи Русия ва як табааи Белорусро, ки дар Лаҳистон машғули “фаъолитҳои ҷосусӣ” будаанд дастгир ва ҳукми боздошти семоҳа барои онҳо содир кардааст.
Варшава эълом кардааст ин ду нафар, ки гумонар ба анҷоми корҳои ҷосусӣ барои сервисҳои махфии Русия ҳастанд “ба намояндагӣ аз созмони иттилооти Русия фаъолитҳоеро бо ҳадафи шиносоии амалкарди неруҳои мусаллаҳи Лаҳистон, аз ҷумла ҳузури артиши ин кишвар дар марзи Белорус анҷом медодаанд.”
Шунида шудани садои чандин инфиҷор дар дохили хоки Русия
Бомдоди рӯзи чаҳоршанбе садои чандин инфиҷор дар се устони марзии Русия дар ҳамсояагии Укроин шунида шуд ва ҳамзамон як анбори муҳиммот низ дар вилояти Белгород оташ гирифт.
Вячеслав Гладков, фармондори Белгород гуфт оташ дар ин анбори муҳиммот дар наздикии рустои Старая Нелидовка хомӯш шудааст.
Дар шабакаҳои иҷтимоӣ видеоҳои мунташир шудааст, ки ба назар мерасад шиллики падофанди ҳавоии Русияро ба аҳдофи номаълум дар осмон нишон медиҳад. Александр Гусев, фармондори минтақаи Воронежи Русия, гуфт неруҳои ин кишвар як паҳподи кӯчакро дар ин ноҳия сарнагун кардаанд.
Русия пештар дар авоили моҳи ҷорӣ Укроинро муттаҳам карда буд, ки бо чархбол ба як анбори сӯхт дар Белгород ҳамла кардааст.
Бозгашти дипломатҳои амрикаӣ ба Укроин оғоз шуд
Вазорати умури хориҷаи Амрико мегӯяд дипломатҳои ин кишвар бозгашт ба Укроинро бо сафарҳои якрӯза ба дафтарҳои дипломатики муваққат дар шаҳри Лвов оғоз кардаанд.
Тибқи эъломи мақомоти амрикоӣ, аввалин гурӯҳ аз ин дипломатҳо субҳи сешанбе аз марзи Лаҳистон вориди Укроин шуда ва пас аз гузарондани як рӯзи корӣ дар Лвов дар ғарби кишвар муҷаддадан дар асри ҳамон рӯз ба Лаҳистон бозгаштанд.
Пештар Энтони Блинкен, вазири умури хориҷаи Амрико, дар ҷараёни сафари маҳрамона худ ба Киев ба мақомоти ин кишвар эълом карда буд, ки дипломатҳои Иёлоти муттаҳида фаъолияти худро ба зудӣ дар Укроин аз сар хоҳанд гирифт.
Нахуствазири Бритониё иддаоҳои Русия мабнӣ бар “ҷанги ғайримустақими НАТО” дар Укроинро рад кард
Борис Ҷонсон, нахуствазири Бритониё, иддаои Маскав мабнӣ бар ин ки Ғарб дар ҳоли пешбурди як ҷанги наёбатӣ бо Русия аст, рад кард ва гуфт кишвараш намехоҳад ин низоъ ба фаротар аз марзҳои Укроин кашида шавад.
Ҷонсон бо ин ҳол изофа кард, ки укроиниҳо аз дохили хоки Русия мавриди ҳамла қарор мегиранд ва ба ҳамин хотир “ҳаққи муҳофизат ва дифоъ аз худ”- ро бо ҳамла ба дохили хоки Русия доранд.
Пештар Сергей Лавров, вазири умури хориҷаи Русия, НАТО-ро ба пешбурди як ҷанги наёбатӣ дар Укроин муттаҳам карда буд.
Русия содироти газ ба Лаҳистонро қатъ кард
Додаҳои шабакаи операторҳои интиқоли гази Иттиҳодия Аврупо нишон медиҳад, ки ширкати Газпроми Русия арзаи газ ба Лаҳистонро мутаваққиф кардааст.
Ширкати давлатии гази Лаҳистон гуфтааст гази русии воридотӣ ба ин кишвар, ки пештар аз тариқи хутути лӯлаи Укроин ва Белорус таъмин мешуд, рӯзи чаҳоршанбе қатъ шудааст. Бо ин ҳол Варшава эълом кардааст, ки ниёзе ба бардошт аз захоир надорад чаро, ки захираи гази он 76 дарсад пур аст.
Ширкати Газпром далели ин иқдомро адами дарёфти пардохт ба рубл унвон карда ва гуфтааст гази содиротӣ ба Булғорияро низ қатъ хоҳад кард. Ин ширкат пештар ҳушдор дода буд ирсоли энерҷӣ ба кишварҳоеро, ки барои харидӣ он рубл пардохт намекунанд мутаваққиф хоҳад кард.
Лаҳистон бо ғӯли энерҷии Газпром қарордоде барои воридоти 10.2 миллиард метри мукааб дар сол дорад, ки ҳудуд 50 дарсади масраф ин кишварро пӯшиш медиҳад.
Лаҳистон аз ҷумлаи кишварҳои аврупоӣ аст, ки аз замони оғози ҷанг дар Укроин ба думболи эъмоли шадидтарин таҳримҳо алайҳи Русия буда ва кумакҳои низомӣ ва молии густурдае ба Киев кардааст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
