Се қирғиз аз тири марзбонони узбек кушта шуданд

Тибқи иттилоъи Хадамоти марзбонии Қирғизистон дирӯз, 5 май дар дар минтақаи ҳаммарз бо Узбекистон се шаҳрванди қирғиз аз тири марзбонони узбек ҷон бохтаанд.

Манбаъ иттилоъ додааст шаҳрвандони ҷонбохтаи Қирғизистон ҳама мард ва соли таваллудашон 1974, 1998 ва 2000-ум будаанд. Онҳо бо ҷароҳатҳои вазнин ба беморхона интиқол дода шуда вале табибон натавонистаанд онҳоро наҷот диҳанд.

Қазия аз ҷониби намояндагони марзбонии Қирғизистону Узбекистон дар вохӯрие баррасӣ шуда, ҷонибҳо тавофуқ кардаанд тафтиш идома ёбад. 

Дар ҳамин ҳол, Хадамоти марзбонии Узбекистон то ҳол ин қазияро шарҳ надодааст.

Short URL: https://smtlink.click/w9rqfiCopyQR Code