Ҳаҷми содироти металлҳои қиматбаҳо дар Тоҷикистон дар нимсолаи аввали соли ҷорӣ нисбат ба ҳамин давраи соли 2021 41,2% коҳиш ёфтааст.
Тибқи омор, дар семоҳаи дувуми соли ҷорӣ аз фурӯши филизоти қиматбаҳо беш аз 40,6 миллион доллар ё 58,8% нисбат ба ҳамин давраи соли гузашта ба даст омадааст.
Дар моҳҳои январ-июни соли гузашта фурӯши филизоти қиматбаҳо беш аз 69 миллион долларро ташкил додааст.
Бино ба иттилоъи вазорати саноеъ ва фанновариҳои ҷадид, дар кишвар 18 корхонаи истихроҷи тило фаъолият мекунад ва тавлиди ин фулуз ҳамасола афзоиш меёбад. Аммо ин шӯъба бо ишора ба махфӣ будани маълумот дар бораи истихроҷи филизи қиматбаҳо маълумот дар бораи ҳаҷми воқеии истихроҷи тиллоро мубодила намекунад.
Тибқи омор, соли гузашта фурӯши филизоти қиматбаҳо 41,7 дарсади ҳаҷми умумии содироти кишварро ташкил додааст. Металлҳои қиматбаҳо ба маблағи беш аз 896,6 миллион доллар фурӯхта шуданд, ки нисбат ба соли 2020 30% зиёд аст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
