Доналд Трамп дар аввалин тасмим байналмиллалии худ дастур дод Иёлоти муттаҳида Амрико аз тавофуқи транс-пасифик, ки шомили 12 кишвар аст хориҷ шавад.
Ба гузориш Евронюз Доналд Трамп бар асоси ваъдае, ки дар даврони интихобот дода буд, дастур дод кишвараш аз муоҳидаи тиҷории Уқёнуси ором хориҷ шавад. Ў ваъда дода буд дар аввалин рӯзи вуруд ба Кохи Сафед хоҳони хурӯҷи Амрико аз ин тавофуқ хоҳад шуд.
Бар асоси ин тавофуқ, ки сол гузашта дар байни 12 кишвар имзо шуд, кишварҳои узв қодир мешаванд, ки мубодилоти тиҷории худро бо таърифае бисёр камтар аз таърифа кунунӣ анҷом диҳанд. Ин паймон ҳанӯз расман тавассути кишварҳои узв иҷро нашудааст. Барак Обама, раисҷумҳури пешини Амрико аз ҳомиёни ин тавофуқ буд. Кишварҳои узви ин паймон ҳудуди 40 дарсади иқтисоди ҷаҳонро дар даст доранд.
Синдзо Абэ, нахуствазири Ҷопон пештар гуфта буд, ки ин муоҳида бидуни ИМА бемаънӣ хоҳад буд ва ба ҳамин далел музокира кардан ғайримумкин мешавад. Бо инҳол бархе таҳлилгарон бовар доранд, ки Чин метавонад халои ношӣ аз хурӯҷи Амрикоро пур кунад.
Трамп ҳушдор дод, ки молиётро барои ширкатҳое, ки кори худро ба хориҷи Амрико мунтақил мекунанд, сангинтар хоҳад кард. Ў дар бораи қонунҳои мавҷуда гуфт: «мо қавонинро ба ҳадди зиёде коҳиш медиҳем. Мо қонунҳоеро хоҳем дошт, ки қудратманд ҳастанд ва аз мардум муҳофизат хоҳанд кард. Мушкиле, ки бо қавонини кунунӣ дорем ин аст, ки бо вуҷуди онҳо шумо наметавонед ҳеҷ кореро анҷом диҳед.»
Кишварҳои Австралия, Бруней, Канада, Чилӣ, Ҷопон, Малайзия, Мексика, Нюзеланд, Перу, Сингапур, Иёлоти муттаҳидаи Амрико ва Ветнам узви ин паймон ҳастанд ва Барак Обама раисҷмҳури пешини Амрико аз ҳомиёни ин паймон буд.
