Боз дар як вилояти дигари Русия, ки аз қабулкунандаҳои муҳоҷирони меҳнатии хориҷӣ маҳсуб меёбад, аз оғози соли оянда нархи патент 15% зиёд мешавад.
Ҳукумати вилояти Перм пешниҳоди болоравии нархи петентро ба Маҷлиси қонунгузор пешниҳод кардааст.
Бар асоси пешниҳоди мақомоти минтақа, арзиши патенти кор барои муҳоҷирон аз соли 2023 ҳудуди 15% боло рафта, аз 4 ҳазору 100 рубли феълӣ то 4 ҳазору 700 рубл хоҳад расид.
Ба гуфтаи масъулини ин вилоят, чунин тадбир даромади хазинаи вилоятро 103 млн рубл афзоиш медиҳад.
Мақомоти Перм мегӯянд, дар 9 моҳи аввали соли 2022 даромади буҷаи вилоят аз фурӯши патент қариб 368 млн рублро ташкил додааст, ки ин нишондод дар соли 2023 ба 596 млн рубл баробар хоҳад шуд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
