Созмони милал мегӯяд бо вуҷуди коҳиши рушди ҷамъияти Ҳинд, ин кишвар дар соли 2023 бо пеш гузаштан аз Чин, пурҷамъияттарин кишвари ҷаҳон хоҳад шуд.
Ҳинд ҷамъияташро 1.38 миллиард тахмин зада, ки чизе камтар аз ҷамъияти 1.4 миллиардии Чин аст, ки Бонки ҷаҳонӣ эълом кардааст.
Ҷамъияти кураи замин рӯзи сешанбе ба 8 миллиард нафар расид.
Бар асоси гузориши Созмони милал ҷамъияти Ҳинд ва Чин, бештар аз ҷамъияти як севуми кулли ҷаҳон аст.
Рушди солонаи ҷамъияти Ҳинд аз соли 2011 ба таври мутавассит 1.2 дарсад гуфта шудааст дар ҳоле бар асоси омори давлат ин кишвар даҳ сол пеш, рушди ҷамъияташ 1.7 дарсад будааст.
Интизори коҳиш дар рушди ҷамъияти Ҳинд вуҷуд дошт. Бар асоси гузориши давлати Ҳинд, ки моҳи гузашта ба нашр расид, сатҳи боддорӣ дар ҳар зан дар охирин арзёбӣ аз солҳои 2019 то 2021 аз 3.4 дар соли 1992 то 1993 ба 2 таваллуд коҳиш ёфтааст.
Давлати Ҳинд гуфтааст, ки афзоиши истифода аз пешгирӣ аз бордорӣ ва афзоиши омӯзиш дар миёни духтарон тавониста ба коҳиши сатҳи бордорӣ кумак кунад.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
