Дар иҷлосияи навбатии 9- уми Маҷлиси Миллии Тоҷикистон ҳисоботи Додситони кулли Тоҷикистон Юсуф Раҳмон шунида хоҳад шуд.
Маҳмадсаид Убайдуллоев раиси Маҷлиси Миллии Тоҷикистон дар бораи гузаронидани иҷлосияи навбатӣ дар санаи 16-уми феврали соли 2017 қарор ба имзо расонидааст.
Тибқи иттилоъи расонаҳои маҳаллӣ, бояд дар ин иҷлосия прокурори генералии Тоҷикистон дар бораи риояи ҳуқуқи шаҳрвандони Тоҷикистон дар соли 2016 ҳисобот ироа намояд.
Бархе аз посухҳои Юсуф Раҳмон зимни нишастҳои матбуотиаш дар соли 2016 сару садоҳоеро ба бор оварда буд. Ба таври мисол, рӯзноманигорон аз Юсуф Раҳмон дар нишасти матбуотӣ дар бораи суханҳои Бузургмеҳр Ёров мепурсанд, ӯ дар ҷавоб мегӯяд: “я его незнаю и знать не хочу, фахмидӣ”.
Вакили дифоъ ва зиндонии сиёсӣ Бузургмеҳр Ёров дар чанде аз суханрониҳояш дар мурофиъаи судӣ, сабаби асосии зиндонӣ шуданашро ғаризаи шахсии прокурори генералии Тоҷикистон Юсуф Раҳмон унвон карда буд.
Баъди ин ҳарфҳои додситони кул, Бузургмеҳр Ёров бо ирсоли як нома аз маҳбас таърихи шиносоӣ ва равобити кориаш бо Юсуфро Раҳмонро расонаӣ кард.
