Ҷо Байден ва Эммануэл Макрон рӯзи панҷшанбе бо маҳкум кардани таҳоҷуми низомии Русия ба хоки Укроин, эълом карданд, ки Иёлоти муттаҳида ва Фаронса “то ҳар замоне, ки лозим бошад” ба ҳимояти худ аз Укроин идома хоҳанд дод.
Эммануэл Макрон, раисҷумҳури Фаронса, ки ба Иёлоти муттаҳида сафар карда, рӯзи панҷшанбе дар конфронси хабарии муштарак бо ҳамтои амрикоии худ итминон дод, ки “ҳаргиз укроиниҳоро ба пазириши мусолиҳае, ки барои онҳо ғайри қобили қабул аст” водор намекунад, чаро, ки чунин мусолиҳае бо Русия мунҷар ба “сулҳи пойдор” нахоҳад шуд.
Раисҷумҳури Фаронса сипас аз кумакҳои Иёлоти муттаҳида ба Киев ташаккур кард ва ҳушдор дод, ки қатъи ҳимоят аз Укроин, суботи ҷаҳониро ба хатар меандозад.
Ҷо Байден, раисҷумҳури Иёлоти муттаҳида низ дар ин конфронси хабарӣ гуфт: “агар Путин ба думболи роҳе барои поён додан ба ҷанг бошад, омодаам, ки бо ӯ гуфтугӯ кунам вале ӯ ҳанӯз ба думболи чунин роҳе нест.”
Раисҷумҳурҳоии Амрико ва Фаронса пеш аз оғози ин конфронси хабарӣ, баёнияи муштаракро мунташир карданд, ки дар бахше аз он “бар ҳимояти мустамари кишварҳояшон аз Укроин” таъкид карданд ва ба вижа мутааҳҳид шуданд, ки “кумакҳои сиёсӣ, амниятӣ, башардӯстона ва иқтисодиро то замоне, ки лозим бошад” ба ин кишвар ироа кунанд.
Ҷо Байден, раисҷумҳури Иёлоти муттаҳида, дар идомаи конфронси хабарии муштарак бо Эммануэл Макрон ҳамчунин мутааҳҳид шуд, ки тарҳи эҷоди шуғл ва пешгирӣ аз таваррум дар Иёлоти муттаҳида “ба зарари Аврупо” тамом нашавад.
Раисҷумҳури Фаронса низ гуфт, Аврупо дар масири пешрафти сареътар ва қавитаре, ки бояд думбол кунад, ногузир аст, ки “ҷоҳталабии санъатии мушобеҳ”-и Вашингтонро дошта бошад. Макрон сипас хотирнишон кард: “мо мехоҳем бо ҳам муваффақ шавем, на дар муқобила бо якдигар.”
Бар ҳамин асос, руасои ҷумҳурии Фаронса ва Амрико дар баёнияи муштараки худ бар “ҳамгомсозӣ”-и рӯйкардҳои худ дар заминаи сармоягузорӣ дар энержиҳои пок таъкид карданд. Онҳо ҳамчунин лузуми гуфтугӯ “бо Чин дар мавриди масоили муҳимми ҷаҳонӣ монанди тағйироти обуҳавоӣ ва эҳтиром ба ҳуқуқи башар”-ро ёдовар шуданд.
Ҷо Байден ва Эммануэл Макрон, руасои ҷумҳурии Иёлоти муттаҳида ва Фаронса рӯзи панҷшанбе дар баёнияи муштараки худ нисбат ба “эътирозоти шуҷоъона”-и эрониён, ки бо ҳадафи таъмини “озодиҳои бунёдин”-и онҳо шакл гирифта, эдои “эҳтиром” карданд.
Бар асоси ин баёния, руасои ҷумҳурии Амрико ва Фаронса “занон ва ҷавононе”-ро, ки “барои ба дастовардани ҳуқуқи башар ва озодиҳои асосияшон, ки ҳукумати Эрон мутааҳҳид ба таъмини онҳо буда вале дар ҳоли нақзи онҳост”, эътироз кардаанд, таҳсин карданд.
Фаронса ва Иёлоти муттаҳида ҳамчунин мутааҳҳид шуданд то аз дастёбии Эрон ба силоҳи ҳастаӣ ҷилавгирӣ кунанд. Ду кишвар ҳамчунин мутааҳҳид шуданд то дар як ҳамкории муштарак бо шарикои дигари байналмилалии худ бо танишофаринии барномаи ҳастаии Эрон, ҳамкории нокофии ин кишвар бо Ожонси байналмилалии энержии атомӣ, фаъолиятҳои бесуботкунанда дар Ховари Миёна ва низ ирсоли мушак ва паҳпод муқобила кунанд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
