Як каналтелеграми мутааллиқ ба гурӯҳи ДОИШ иддао кард, ки ҳамлаи мусаллаҳона бар меҳмонхонаи шаҳрвандони чинӣ дар Кобул тавассути ин гурӯҳ анҷом шудааст.
Мардони мусаллаҳ рӯзи душанбе ба ин меҳмонхона дар шаҳри нави Кобул ҳамла карданд. Аз ин ҳамла 3 кушта ва 18 захмӣ ба ин шифохона бурда шудаанд.
Забеҳуллоҳ муҷоҳид дар твиттер навишт, ки ду шаҳрванди хориҷие, ки аз панҷара парида буданд, захмӣ шудаанд. Ў ҳеҷ ишорае ба талафоти ҷонии ин рӯйдод накард.
Ин ҳодиса як рӯз пас аз он сурат мегирад, ки муовини вазорати хориҷаи Толибон ба сафири Чин нисбат ба афзоиши тадобири амниятӣ барои сафоратхонаи ин кишвар дар Кобул итминон дода буд.
Мақомотм Толибон борҳо иброз кардаанд, ки ДОИШ як таҳдиди амниятӣ дар Афғонистон нест, аммо ба назар меояд, ки ДОИШ бо ҳамалоти паймҳам ба сафоратхонаҳо ва шаҳрвандони кишварҳое, ки равобити наздики сиёсӣ бо Толибон доранд, мехоҳад ин иддаои Толибонро зери савол бибарад.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
