Субҳи имрӯз раисҷумҳури Туркия ва ҳайати ҳамроҳаш тайи як сафари расмӣ вориди Русия шуд. Дар ин сафар қарор аст Раҷаб Тайб Эрдуган ва Владимир Путин бо ҳам дидор ва гуфтугӯ намоянд. Ба навиштаи баъзе момонаҳои туркия меҳвари аслии ин мулоқот қазия Сурия ва ҳамчунин масоили иқтисодӣ мебошад. Ин дидор дар ҳоле сурат мегирад, ки чанд рӯз пештар Русия вуруди маводи кишоварзии Туркияро иҷозат дод.
Пас аз кудатои нофарҷом дар Туркия равобити Туркия ва Русия рӯ ба беҳбудӣ овардааст. Аз тарафи дигар дар рӯзҳои охир радду бадалҳое байни мақомоти баландпояи Туркия ва Олмон ҳам сурат гирифтааст. Бо таваҷҷӯҳ ба онки равобити Туркия бо ғарб рӯ ба тирагӣ овардааст, ин мулоқот аҳамияти бештаре пайдо мекунад. Аммо ду кишвар бо дидгоҳҳо ва сохторҳои мухталиф ва тақрибан бо мавзеъҳои муқобили ҳамдигар дар масоили байналмилалӣ ба хусус Сурия, маълум нест ба чӣ натиҷаҳое даст хоҳанд ёфт.
