Вазири умури хориҷаи Русия гуфт ҳанӯз замони боз шудани марзҳои ин кишвар рӯи дигар кишварҳо маълум нест
Сергей Лавров, вазири умури хорҷаи Русия дар мусоҳиба бо шабакаи телевизионии RT зимни изҳори беиттилоотӣ аз таърихи бозгушоии марзҳои Русия афзуд, ҳудуди 40 нафар аз коркунони вазорати хориҷа ва шӯъбаҳои он дар манотиқи ин кишвар ба Ковид-19 мубтало шудаанд.
Вазири умури хориҷаи Русия гуфт тақрибан 50 дарсади кормандони ин вазоратхона ба тарзи фосилавӣ кору фаъолият доранд.
Дар ҳамин ҳол, Сергей Лавров қайд кардааст, ки ба Ковид-19 мубтало нашудааст.
Дар асоси охирин гузоришҳо то кунун 641 ҳазору 156 нафар дар Русия ба Ковид-19 мубтало шуда, 403 ҳазору 430 нафар беҳбуд ёфта ва 9 ҳазору 166 тан ҳам ҷони худро бохтаанд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
