Мутобиқи иттилои Вазорати маорифи Федератсияи Русия, сатҳи донистани забони русӣ барои қабули кӯдакони муҳоҷирон ба мактабҳо бояд кофӣ бошад, то онҳо тавонанд барномаҳои таълимиро аз худ кунанд.
Дар ин раванд, Рособрнадзор масъули ташкили методика ва гузаронидани санҷиши дониши забони русӣ хоҳад буд. Пеш аз қабули кӯдак ба мактаб, на танҳо сатҳи донистани забон, балки қонунияти будубоши кӯдак дар ҳудуди кишвар низ санҷида мешавад.
Санҷишҳо аз 1 апрели соли ҷорӣ дар муассисаҳои таълимии давлатӣ ё мунисипалӣ гузаронида мешаванд.
Қаблан, президенти Русия Владимир Путин қонунеро имзо кард, ки тибқи он, қабули кӯдакони муҳоҷирон ба мактабҳо бе донистани забони русӣ манъ шудааст. Санҷиши забон пеш аз қабули кӯдак ба мактаб ҳатмӣ мебошад ва он ройгон гузаронида мешавад, хабар медиҳад «Радиоточка НСН».
