Рӯзҳои 21-22-юми январ дар минтақаҳои кӯҳӣ ва наздикӯҳии кишвар боришоти шадиди борон ва барф дар назар аст. Дар ин бора Кумитаи ҳолатҳои фавқулодда бо истинод ба маълумоти Агентии ҳавошиносии ҷумҳурӣ хабар додааст.
Тибқи маълумоти расида, хатари лағзиши тарма дар ноҳияҳои кӯҳии тобеи ҷумҳурӣ, қисмати ғарбии ВМКБ, вилояти Суғд ва роҳҳои мошингарди Душанбе-Варзоб-Айнӣ-Хуҷанд, Ваҳдат-Рашт-Тоҷикобод-Лахш, Душанбе-Сангвор, Шамсиддини Шоҳин-Дарвоз, Ванҷ-Хоруғ ва Хоруғ-Ишкошим-Мурғоб вуҷуд дорад.
Кумита аз шаҳрвандон хоҳиш менамояд:
- Ҳангоми истифодаи таҷҳизоти барқии гармкунанда қоидаҳои бехатарии сӯхторро риоя кунанд.
- Аз истифодаи дастгоҳҳои барқии худсохт худдорӣ намоянд.
- Дар рӯзҳои боришоти шадид аз чаронидани чорво, ҷамъоварии ҳезум, шикор ва моҳидорӣ худдорӣ кунанд.
КҲФ аз шаҳрвандон хоҳиш менамояд, ки ҳаракати худро дар роҳҳои кӯҳӣ маҳдуд кунанд ва аз сафарҳои нолозим худдорӣ намоянд.
Дар ҳолати фавқулода ё зарурати кӯмак ба рақамҳои 112 ва ё телефонҳои (+992) 93 880 28 19, 223 13 11 муроҷиат намоед.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
