Вазири умури хориҷаи Афғонистон, Салоҳиддин Раббонӣ дар нишасти матбуотӣ, дар Душанбе, пойтахти Тоҷикистон ҳини баромадаш гуфтааст, Афғонистон ба ҳеҷ сурат имкон нахоҳад дод, ки гурӯҳҳои терористӣ аз қаламрави он кишвар ба Тоҷикистон осеб расонанд.
Сироҷиддин Аслов низ зимни баромади худ дар ин нишасти матбуотӣ гуфтааст, намояндаи ҳукумати Афғонистон ҷониби Тоҷикистонро бовар кунонид, ки ба ҳеҷ сурат намегузоранд, тундравони низомӣ аз ҷониби Афғонистон гузашта ба Тоҷикистон зарар расонанд.
Ин мутмаинсозии вазири умури хориҷаи Афғонистон, Салоҳиддин Раббонӣ дар ҳолест, ки сиёсатшиноси қирғизистонӣ Сергей Кожемякин дар як матлабаш, ки тавассути нашрияи расонаӣ шуд, изҳори нигаронӣ карда буд, ки дар Афғонистон, дар навоҳии наздик ба сарҳади Тоҷикистон, ҳудуди понздаҳ ҳазор ҷангҷуёни тундрав ба ҳам омадаанд. У гуфта буд, ки ҷониби Афғонистон қодир ба ин нест, ки ҷилави ин ҷангҷуёнро бигирад.
Илова бар ин Замир Кобулов, фиристодаи махсуси президенти Русия дар умури Афғонистон дар сӯҳбат бо низ гуфта буд, хатари вуруди ҷангҷӯёни мусаллаҳ аз Афғонистон ба кишварҳои Осиёи Марказӣ, хусусан ба Тоҷикистон вуҷуд дорад.
Кобулов дар сӯҳбат изҳор дошта буд, ки феълан Толибон дар иттиҳод бо ҷангҷӯёни дигар дар марз бо кишварҳои Осиёи Марказӣ ду пойгоҳи асосӣ ташкил кардаанд: “Теъдоди умумии ҷангҷӯёни мусаллаҳ ҳудуди 15 ҳазор нафарро ташкил медиҳад”.
