Ба гуфтаи яке аз кормандони тоҷиктелеком дар шаҳри Душанбе кормандони ин ниҳод моҳи севвум аст, ки маош нагирифтаанд. Ин корманди тоҷиктелеком, ки нахост номаш фош шавад мегӯяд, дар ноҳияҳо ва вилояти Бадахшон ҳудуди 6 моҳ мешавад, ки кормандони тоҷиктелеком маош намегиранд. Аммо намедонанд чикор кунанд ва ба куҷо шикоят намоянд.
Ӯ бо шиква илова намуд, ки мо медонем, ки дар чандин сохтмонҳои раиси Тоҷиктелеком корҳои сохтмонӣ идома дорад ва ба кормандони он маош ҳам медиҳанд. Аммо ба мо кормандони тоҷиктелеком касе аҳамият ҳам намедиҳад.
Қобили зикр аст, ки тоҷиктелеком яке аз ширкатҳои бонуфуз ба қудои Президент Бег Сабур тааллуқ дорад. Ҳоло кормандони ин ширкат медонанд, ки шикояташон ба ҷое нахоҳад расид ва ба ҳамин хотир рӯ ба матбуот овардаанд.
Аммо саволи матраҳ ин аст, ки будҷаи тоҷиктелеком ба куҷо меравад ва Бег Сабур агар рӯзе ҷуръат карда ба назди хабарнигорон баромад бояд ҳатман дар ин масъала ҳам ҷавобе дошта бошад.
