Бонки марказии Русия имрӯз сешанбе нархи баҳраро 3.5 дарсад афзоиш дод. Иқдоме, ки гуфта мешавад барои мубориза бо таваррум ва тақвияти арзиши рубл анҷом шудааст. Аз замони шурӯъи ҳамлаи Русия ба Укроин, арзиши рубл ба поинтарин ҳадди худ расидааст. Ба ин тартиб нархи баҳраи Русия ба 12 дарсад расидааст.
Ин тасмим пас аз ташкили ҷаласаи изтирории ҳайати мудираи Бонки марказӣ дар рӯзи душанбе иттифоқ афтод. Суқути арзиши рубл дар ҳоле иттифоқ афтод, ки Маскав ҳазинаҳои низомии худро афзоиш дода ва таҳримҳои Ғарб бар содироти энержии ин кишвар таъсир гузоштааст.
Воҳиди пули Русия рӯзи душанбе ба ивази ҳар доллар аз 101 рубл ҳам убур карда буд, аммо пас аз эъломи Бонки марказӣ, вазъият андаке беҳбуд пайдо кард ва имрӯз сешанбе ба ҳудуди 96 дар баробари ҳар доллар расид.
