Дар бизнесфоруми , ки санаи 19 апрел 2017 дар шаҳри Душанбе шуда гузашт, якчанд тавофуқномаҳое ба имзо расиданд, ки тибқи он минбаъд муносибати тиҷоратии ду кишвари ҳамсоя вусъат меёбад.
Яке аз асоситарин тавофуқномаҳои ба имзорасида, тавофуқи намояндагони ширкатҳои саҳҳомии “Ӯзсавдосаноат”-и Ӯзбекистон ва “Лизинвест”-у “Тоҷмоторс” –и Тоҷикистон дар бораи фурӯши мошинҳои сабукрави истеҳсоли Ӯзбекистон дар Тоҷикистон мебошад.
Қобили зикр аст, ки Тоҷикистон баъди ба даст овардани истиқлолияти миллӣ кишваре аст, ки ягон корхонаи истеҳсоли мошин ва ҳатто лавозимоти техникаҳои кишоварзиро надорад ва ҳамвора аз хориҷ бо нархҳои гарон харидорӣ мекунад.
Гардиши муносибати тиҷоратии Тоҷикистону Ӯзбекистон баъди марги президенти собиқи Ӯзбекистон Ислом Каримов ва ба сари қудрат омадани Шавкат Мирзиёев рӯ ба беҳбудӣ овардааст.
Дар соли гузашта гардиши савдо байни ин ду кишвар нисбат ба соли 2015 наздик ба 6 баробар зиёд гардида, ҳаҷми зиёда аз 69,2 млн доллари амрикоиро ташкил додааст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
