Дастандаркорони маршировкаи рўзи истиқлолият ба даҳҳо кормандони вазорату идораҳои давлатӣ ва донишҷӯён супориш додаанд, ки то 9 уми сентябр аз ҳисоби шахсии хеш куртаи атлас ва чакан тайёр кунанд.
Онҳое, ки дар дар маршировка иштирок мекунанд, изҳори нигаронӣ доранд, ки ба онҳо амр шудааст ки фавран то чанд рўзи дигар кутаҳои атлас ва чаканашон омода бошад.
«Аз аввали моҳи август аввал гуфтанд, ки 60-80 сомонӣ биёред, бароятон куртаҳои атлас медӯзем. Бархеҳо бурданд, бархеи дигар не. Аз охири моҳи август маҷбур доранд ки куртаҳои атласро худатон бояд харед ва фавран омода кунед. Хайр худашон аз ҳисоби давлат харида диҳанд мо аз куҷо меорем» -,мегуяд яке аз донишҷўён.
Ба гуфти ҳамсӯҳбати мо дар давоми ду моҳи тамрин ҳатто як дирам роҳпулӣ аз ҳисоби маршировка ё донишгоҳ нагирфтааст.
Мурод корманди яке аз вазоратхонаҳои кишвар мегўяд, онҳо дар варзишгоҳи яке аз донишгоҳҳо тамрин доранд ва бояд рўзи раҳпаймоӣ портрети Эмомалӣ Раҳмонро бардорад. Мурод ҳам мегӯяд, ки ба хонумони ҳамкори ў низ тавсия дода шудааст, то рўзи 7 уми сентябр куртаи якрангаи атласашон омода бошад.
Имрўзҳо то вазирону раисони Кумитаҳо ҳам дар тамрин иштирок мекунанд. Дар назар аст, ҳудуи 300 портрети хурду калони аксҳои Эмомалӣ Раҳмон, бо иловаи 1200 шиору лавҳаҳои навиштаҷоти сиёсати Пешвои миллат ва зиёда аз 200 ҳазор парчам роҳпаймоии рўзи 9 сентябрро оро диҳанд.
Дар баргузории чорабинии мазкур, ки 7 соат барои чорабинии фарҳангӣ ҷудо шудааст, ҳудуди 10 милион доллар сарф мешавад. Бино ба маълумотҳои муътамад 3 миллион доллари сарфи он аз ҳисоби қарзи хориҷӣ мебошад.
Омодагӣ ба маршировка
Омодагӣ ба маршировка
Омодагӣ ба маршировка
Омодагӣ ба маршировка
Омодагӣ ба маршировка
